امىرە قاشاۋبايەۆ تۋرالى «امىرە» فيلمىنىڭ قازاق تىلىندەگى ترەيلەرى شىقتى

 مادەنيەت جانە سپورت مينيسترلىگى تاپسىرىسى بويىنشا ش. ايمانوۆ اتىنداعى «قازاق فيلم» ا ق جانە ءاليدار وتەمۇراتوۆتىڭ «Dar Play» كومپانياسىمەن بىرلەسە تۇسىرگەن «امىرە» فيلمىنىڭ ءتۇسىرۋ جۇمىستارى بۇگىنگى كۇنى تولىعىمەن اياقتالعان. كينوتۋىندىنىڭ ءتۇسىرۋ توبى كارتينانىڭ قازاق تىلىندەگى ترەيلەرىن جارىققا شىعارىپ وتىر.

 امىرە قاشاۋبايەۆتىڭ ءومىر جولىنا ارنالعان كوركەم فيلم 2018 -جىلى 5 - ساۋىردە ۇلتتىق پروكاتقا قازاق (ورىس تىلىندە سۋبتيترلەرى بار) جانە ورىس تىلدەرىندە (قازاق تىلىندە سۋبتيترلەرى بار) شىعادى.

«حالىقارالىق ءتۇسىرىلىم توبىنىڭ قۇرامىندا: امەريكالىق قويۋشى- رەجيسسەر دجەف ۆەسپا (Jeff Vespa)، وپەراتور - ماكسيم وسادچي («9 روتا»، «ستالينگراد» ) بار. فيلمنىڭ سسەناريىن جازعان بەنجامين ا. ۆان دەر ۆين. باستى رولدەردى وتاندىق اكتەرلەر سانجار ماديەۆ (امىرە) جانە ەركەبۇلان دايىروۆ (مۇستافا شوقاي) سومداعان. سونىمەن قاتار، بريتاندىق اكتەر بەن الدريدج جانە «وبلاست تمى»، «تري بيلبوردا نا گرانيتسە ەببينگا، ميسسۋري» فيلمدەرى ارقىلى تانىلعان امەريكالىق اكتريسا ەببي كورنيش (Abbie Cornish) جانە باسقا دا اكتەرلەر تۇسكەن»، - دەپ حابارلايدى كينوستۋديانىڭ باسپا ءسوز قىزمەتى.

 كارتينانىڭ باس پروديۋسەرى، DAR كومپانياسىنىڭ نەگىزىن قالاۋشى ءاليدار وتەمۇراتوۆ امىرەدەي ەرەكشە دارىن يەسى تۋرالى كوپشىلىكتىڭ بىلگەنى ماڭىزدى ەكەنىن ايتادى.

«ءبىز زامانداستارىمىزعا امىرە قاشاۋبايەۆتىڭ قيىن ءومىر جولىن جانە فيلمدە شىرقالاتىن ونىڭ داۋىسىن ەستۋگە مۇمكىندىك بەرگىمىز كەلەدى. امىرەنى جاقىن تانىپ، ۇلتتىق ءداستۇرلى ونەرمەن ەتەنە تانىسقان وتانداستارىمىزدىڭ بويىندا ماقتانىش سەزىمى ويانادى دەپ سەنەمىن. ويتكەنى، ءبىزدىڭ مۋزىكا مادەنيەتىن قالىپتاستىرعان وسىنداي ادامدار، ەسىمدەر ءبىزدىڭ تاريحىمىزدا قالۋعا ءتيىستى. الەم كينەماتوگرافياسىندا مۋزىكا دراماسى جانرىندا تۇسىرىلگەن فيلمدەر كوپ ەمەس. سوندىقتان وتاندىق كورەرمەندەرگە بۇل جانرداعى كارتينانى كورىپ، وتكەن عاسىردىڭ 30-جىلدارىنا ساياحات جاساۋ قىزىقتى بولۋعا ءتيىستى دەپ ويلايمىن»، - دەيدى ول.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى