قازاقپارات شاعىن قالالار مەن اۋدانداردا تىلشىلەر جەلىسىن كەڭەيتەدى

«بيىل «قازاقپارات» ح ا ا ءتورت تىلدە ەكونوميكالىق جاڭالىقتار تاسپاسى جوباسىن ىسكە قوسادى. بۇل باعىتتا سۇرانىس بار. ايتا كەتەيىك، قىتايلىق، رەسەيلىك ءارى تۇركيالىق سەرىكتەستەرىمىز وسى جوباعا بەلسەندى قاتىسۋعا نيەتتى. بۇگىندە ولاردا وسى تەكتەس جوبالار ىسكە قوسىلعان جانە شەتەلدىك سەرىكتەستەر بىزبەن بىرلەسە جۇمىس ىستەۋگە قىزىعۋشىلىق تانىتىپ وتىر» ، - دەدى باس ديرەكتور ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سونداي- اق ول «كارتاداعى ورىن» جوباسى ىسكە قوسىلاتىنىن ايتىپ ءوتتى. وسى ورايدا اپتا سايىن قازاقستان وڭىرلەرىندەگى بىرەگەي جەرلەردەن فوتورەپورتاجدار جاريالانادى.

«قازاقپارات» ءوز كونتەنتىن دامىتۋ تۇرعىسىندا الداعى ۋاقىتتا وبلىس ورتالىعىندا، سونىمەن قاتار شاعىن قالالار مەن اۋدانداردا تىلشىلەر جەلىسىن كەڭەيتۋدى جوسپارلايدى. بۇل جۇمىستار اۋدانداردى دا كەڭىنەن قامتۋعا ارنالعان» ، - دەدى اسقار ۋماروۆ.

اتاپ وتىلگەندەي، اگەنتتىك شەت مەملەكەتتەردە سترينگەرلىك جەلىلەر قۇرۋدى كوزدەپ وتىر.

«شەت مەملەكەتتەردە «قازاقپاراتپەن» ىنتىماقتاستىقتى نىعايتۋعا نيەتتى ادامدار كوپتەپ كەزدەسەدى. بۇگىندە شەتەلدە 7 تىلشىلىك پۋنكتىمىز بار. وسى ورايدا ەۋروپا بويىنشا جەلىنى كەڭەيتۋدى جوسپارعا الدىق. سونىمەن قاتار وزگە دە ءبىرقاتار ەلدەردەن ادامدار ءوز ۇسىنىستارىن جاساپ جاتىر» ، - دەدى «قازاقپارات» اگەنتتىگىنىڭ باس ديرەكتورى.

 ايتا كەتەيىك، «قازاقپارات» ح ا ا الداعى ۋاقىتتا online-ترانسلياتسيالار، فوتورەپورتاجدار مەن تاقىرىپتىق جوبالار سانىن ارتتىرا تۇسەدى. «بىرەگەي قازاقستان» (قازاقستاننىڭ تۇكپىر- تۇكپىرىنەن جۇرتشىلىققا بەيمالىم ورىندار، كاسىپورىندار، نىساندار مەن ادامدار تۋرالى ماقالالار جاريالاۋ) ، «100 جاڭا ەسىم» (100 جاڭا ەسىمگە ەنگەن ادامدار تۋرالى story فورماتىندا كونتەنتتەر دايىنداۋ) جوبالارىن جۇزەگە اسىرادى.

 2017 -جىلى «قازاقپارات» سايتىن پايدالانۋشىلار 21 پايىزعا وسكەن. بۇل رەتتە، inform.kz پورتالىن قاراۋشىلاردىڭ جيىنتىق كورسەتكىشى 28 ميلليوندى قۇراسا، ونىڭ ىشىندە 11,9 ميلليونى - بىرەگەي پايدالانۋشىلار بولىپ وتىر. الەۋمەتتىك جەلىدە اگەنتتىكتىڭ پاراقشاسىنا جازىلۋشىلار سانى ءۇش ەسەگە دەيىن ارتتى. 2017 -جىلى 18 تاقىرىپتىق جوبالار،  web4 جوبا جۇزەگە استى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى