پارا بەرەتىن قازاقستاندىقتار ازايىپ كەلەدى - شپەكبايەۆ

«سىبايلاس جەمقورلىق قوعامدا ەڭ ماسقارا قۇبىلىس رەتىندە، ادامگەرشىلىكتىڭ، حالىقتىڭ ار- ۇياتىنا نۇقسان كەلتىرەتىن، بولاشاق ۇرپاقتىڭ ءال-اۋقاتىنا زيان كەلتىرەتىن جايت رەتىندە قابىلدانسا، وندا ادامدار اراسىندا پارا بەرۋ مەن الۋ وقيعالارى ايتارلىقتاي سيرەك كەزدەسەر ەدى. وسى ماقساتقا جەتۋ باعىتىندا شىعارماشىلىق زيالى قاۋىمنىڭ، مادەني ءارى ءبىلىم بەرۋ مەكەمەلەرىنىڭ، ب ا ق- تىڭ ءرولى ەلەۋلى. سونىمەن قاتار، بۇل پروبلەمانى شەشۋدە ءدىن وكىلدەرى دە زور ۇلەس قوسا الادى، سەبەبى بارلىق دىندە پايداكۇنەمدىك پەن پاراقورلىقتى كۇنا رەتىندە باعالايدى»، - دەدى اليك شپەكبايەۆ ينتەرنەت- كونفەرەنسيا بارىسىندا قويىلعان ساۋالعا جاۋاپ بەرە وتىرىپ.

ونىڭ سوزىنە قاراعاندا، سىبايلاس جەمقورلىققا قارسى ءىس-قيمىل بويىنشا جۇمىسقا بۇگىندە ازاماتتىق قاداعالاۋدى دامىتۋداعى اگەنتتىكتىڭ جوبالارىنا ەل تۇرعىندارى مەن قوعامدىق ۇيىمدار كوپتەپ تارتىلۋدا.

«قازاقستاندا سىبايلاس جەمقورلىق دەڭگەيى تومەندەپ كەلەدى. ادامدار اراسىندا پارانى الۋ مەن بەرۋ ءۇردىسى ازايعانىن بايقاپ وتىرمىز»، - دەدى اليك شپەكبايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى