قىتايدىڭ دامۋى باسقا ەلدەرگە قاۋىپ توندىرمەيدى - شي جينپيڭ
بۇل تۋرالى بۇگىن 13-شاقىرىلعان تاريحي بۇكىل قىتاي حالىق وكىلدەرى قۇرىلتايى 1- سەسسياسىنىڭ جابىلۋىندا ق ح ر ءتوراعاسى شي جينپيڭ ءمالىم ەتتى، دەپ حابارلايدى قىتايداعى «قازاقپارات» ح ا ا- نىڭ مەنشىكتى ءتىلشىسى.
«قىتايدىڭ دامۋى قانداي دا ءبىر وزگە ەلدەرگە قاۋىپ توندىرمەيدى. قىتاي ەشقاشان گەگەمونياعا جانە ۇلعايۋعا ۇمتىلمايدى. باسقالاردى قورقىتۋعا ۇيرەنىپ قالعاندار عانا مۇنى قاۋىپ دەپ باعالايدى (...) قىتاي ءاردايىم بەيبىت دامۋ جولىندا جۇرەدى جانە ءوزارا تيىمدىلىك پەن ۇتىلمايتىن ناتيجەنىڭ اشىق ستراتەگياسىن جۇزەگە اسىرادى. قىتاي حالىقارالىق ادىلەتتىلىك پەن اقيقاتتى بەلسەندى قولداي بەرمەك (...) قىتاي «ءبىر بەلدەۋ، ءبىر جول» باستاماسى قۇرىلىسىنا كومەكتەسۋدى جالعاستىراتىن بولادى»، - دەدى قىتايلىق كوشباسشى.
