قاراعاندىداعى ناۋرىز مەرەكەسى: بۇركىتشىلەر مەن تازى يتتەر شەرۋى وتەدى

كورەرمەندەر قاتىسۋشىلار اراسىنان بۇركىتشىلەردى، سونداي-اق تازى يتتەرىن تاماشالاي الادى، دەپ حابارلايدى قازاقپارات وبلىس اكىمدىگىنە سىلتەمە جاساپ.

شەرۋ بۇقار جىراۋ - چكالوۆ - جاۋىنگەر- ينتەرناتسيوناليستەر كوشەلەرى بويىمەن ءوتىپ، ورتالىق ساياباقتا اياقتالادى. ءمالىم ەتىلگەندەي، وسى جەردە ناۋرىز مەيرامىن تويلاۋ باستالادى. كوپتەگەن سپورتتىق شارالار مەن كونسەرتتىك باعدارلامالار جوسپارلانعان.

«ساعات 11.30 دا باستى ساحنادا قازاق كۇرەسى، كيكبوكسينگ، قول جەكپە-جەگى، كاراتە، دزيۋدو، سامبو جانە سەمسەرلەسۋ بويىنشا كورسەتىلىمدەر وتەدى. ساحنانىڭ وڭ جاعىنداعى الاڭداردا ۇلتتىق ويىندار بويىنشا سايىستار ۇيىمداستىرىلادى. اتقا وتىرعان جىگىتتەر اۋدارىسپاق جانە كوكپار ويىنىنىڭ «سەركە كوتەرۋ» ەلەمەنتتەرىن پاش ەتەدى. «Street Workout» فەدەراتسياسىنىڭ سپورتشىلارى سپورت قۇرالدارىمەن جاسايتىن ەرەكشە ونەر كورسەتەتىن بولادى.

ورتالىق ساياباق ساحناسىنىڭ جانىندا ەكسپوزيتسيالىق كيىز ءۇي ورناتىلادى، ونىڭ كىرەبەرىسىندە قىران قۇستارى بار بۇركىتشىلەر مەن تازى يتتەر تۇرادى. مەرەكەنىڭ جارقىن ساتتەرىنىڭ ءبىرى «اشاماي» ۇلتتىق ءداستۇرىنىڭ وتكىزىلۋى بولماق. قازىرگى كۇندەرى ول ادەت-عۇرىپ سونشالىقتى تانىمال ەمەس، الايدا ۇل بالانىڭ جىگىتكە اينالۋىنىڭ ناعىز بەلىگىسى بولىپ سانالادى. سەبەبى قازاق باتىرلارى اتتىڭ قۇلاعىندا ويناپ، وزدەرىنىڭ شەبەرلىكتەرىن كورسەتە بىلگەن»، - دەلىنگەن اكىمدىك حابارلاماسىندا.

سونداي-اق بارلىق نيەت بىلدىرۋشىلەر گىر سپورتى، ارمرەسلينگ، كەرمەدە تارتىلۋ، «ارقان تارتۋ»، «توعىزقۇمالاق»، «لاڭگى» جانە «اسىق اتۋ» سايىستارىنا قاتىسا الادى. ۇزدىك ويىنشىلارعا سىيلىقتار ازىرلەنگەن.

بۇدان بولەك، ءتىرى قويدى مويىنعا سالىپ، جۇرەلەپ وتىرىپ-تۇرۋ سايىسى بولادى. جەڭىمپاز قويدى وزىمەن بىرگە الىپ كەتەدى.

مەرەكەلىك شارالار 23، 24 جانە 25- ناۋرىز كۇندەرى دە جالعاسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى