رەسەيدىڭ سايلاۋدا ونلاين مارافون ۇيىمداستىرۋ تاجىريبەسى قىزىقتى بولدى - بەرىك يماشەۆ

باسپا ءسوز ءماسليحاتى ر ف ورتالىق سايلاۋ كوميسسياسىنىڭ اقپارات ورتالىعىندا ءوتتى.

بايقاۋشىلار ميسسياسىنىڭ باسشىسى، ت م د اتقارۋ كوميتەتى ءتوراعاسىنىڭ ءبىرىنشى ورىنباسارى ۆيكتور گۋمينسكي 18 -ناۋرىزدا بولعان رەسەي پرەزيدەنتىنىڭ سايلاۋى تازا، اشىق، زاڭدى وتكەنىن مويىنداپ، مالىمدەدى.

ق ر و س ك ءتوراعاسى ب. يماشەۆ ت م د بايقاۋشىلارى ميسسياسىنىڭ قۇرامىندا 136 قازاقستاندىق بايقاۋشى رەسەي فەدەراتسياسىنىڭ 23 سۋبەكتىسىندە سايلاۋدى بايقاۋعا قاتىسىپ، ت م د بايقاۋشىلارى ميسسياسى باعا بەرگەندە پىكىرلەرى ەسكەرىلگەنىن مالىمدەدى.

«رەسەيلىك سايلاۋشىلار ەلەكتوراتتىق، قۇقىقتىق جانە ساياسي مادەنيەتتىڭ جوعارى دەڭگەيىن كورسەتتى. ءبىز رف وسك تاراپىنان سايلاۋ راسىمدەرىن كاسىبي ۇيىمداستىرۋدىڭ، بارلىق دەڭگەيدەگى سايلاۋ كوميسسيالارىنىڭ ءىس- ارەكەتىن انىق ۇيلەستىرۋدىڭ، ورتالىق جانە جەرگىلىكتى باسقارۋ ۇيىمدارىنىڭ، ازاماتتىق قوعام مەن حالىقارالىق ۇيىمداردىڭ وكىلدەرىمەن ناتيجەلى ءوزارا ارەكەتتەستىكتىڭ كۋاگەرى بولدىق. ءبىز ءۇشىن «سايلاۋ ءتۇنى-2018» ونلاين مارافونىن ۇيىمداستىرۋ مەن وتكىزۋ تاجىريبەسى قىزىقتى بولدى»، - دەدى ب. يماشەۆ.

ايتا كەتەرلىگى، ت م د بايقاۋشىلارى ميسسياسىنىڭ مالىمدەمەسى ون كۇننەن سوڭ جاريالانادى.

فوتو: election.gov.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى