كوك كوزىلدىرىكتىڭ تابەتكە قانداي اسەرى بار؟

 جاپون عالىمدارىنىڭ تاجىريبەسىنە سۇيەنسەك، ادام الەمگە القىزىل كوزىلدىرىكپەن قاراسا، بۇكىل دۇنيە پوزيتيۆكە تولى، شات- شادىمان ورتانىڭ اسەرىن قالىپتاستىرادى. ال ەگەر كوك ءتۇستى كوزىلدىرىك تاعىپ جۇرسە، ءوزىن بايىپتى ۇستاپ ءارى زاتتارعا كىرپيازدىقپەن قارايتىنى انىقتالعان. بۇل قۇبىلىس، اسىرەسە، ديەتاداعى ادامدارعا پايدالى ەكەن. سەبەبى، كوك ءتۇستى كوزىلدىرىكپەن تاماقتانۋ ادام تابەتىن باسىپ، ارتىق اۋقاتتانۋعا دەگەن ىنتانى ازايتادى.

"Blue shade" دەپ اتالاتىن بۇل كوزىلدىرىكپەن جاپوندار تاجىريبە جۇرگىزىپ، ادامنىڭ پسيحوفيزيولوگيالىق كۇيىن باقىلاعان. باقىلاۋ ناتيجەسىندە ادامنىڭ گورمونالدىق جۇيەسى قالىپتى بولعان، ياعني بۇكىل وزگەرىس تابيعي تۇردە جۇرگەن. سوندىقتان ءادىستىڭ دەنساۋلىققا ەش زيانى جوق. وسى ءادىستى ەسكەرگەن اتاقتى اكتەر دجونني دەپپ كەزەكتى ءبىر رولىنە دايىندىق كەزەڭىندە كوك ءتۇستى كوزىلدىرىك كيىپ، ءوز سالماعىن قاداعالاعان. كوك تۇسكە قاتىستى ءبىرشاما ادىستەر بار. مىسالى، ماماندار ديەتاداعى ادامدارعا تاماقتى كوك ءتۇستى ىدىستا ءىشىپ، اس ءۇي قابىرعالارىن كوك تۇسكە بوياۋعا كەڭەس بەرگەن. ارتىق سالماقپەن كۇرەسىپ جۇرگەندەرگە بۇل -  تاپتىرماس ايلا.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى