قازاقستاندا جاڭا قوعامدىق ينستيتۋت - تاتۋلاسۋ ورتالىقتارى اشىلادى

جوعارعى سوت ءتوراعاسى جاقىپ اسانوۆتىڭ باسشىلىعىمەن بۇگىندەرى جەتى ءىرى جوبا ازىرلەنۋدە. سونىڭ ءبىرى - تاتۋلاسۋ ورتالىقتارى. بۇل جاڭا جوبانىڭ باستى ماقساتى - تاراپتاردى بىتىمگە كەلتىرۋ. ءوز سوزىندە ج. اسانوۆ ونىڭ ەكى جولى بارىن اتاپ ءوتتى. ءبىرىنشىسى، داۋلاردى سوتقا جەتكىزبەي شەشۋ، ەكىنشىسى، سوتتا شەشۋ. سوندىقتان بۇگىنگى مەموراندۋم داۋلاردى سوتقا دەيىن، سوتقا جەتكىزبەي شەشۋگە ارنالعان.

ءىرى جوبا بويىنشا العاشقى ىسكەرلىك قادام جاسالدى. «ءبىر ويشىل ايتقانداي، «مىڭ شاقىرىمدىق جول ءبىرىنشى قادامنان باستالادى» . بۇگىنگى مەمورانداۋم سونداي ءبىرىنشى قادام، ۇلكەن جانە ناتيجەلى، يىگىلىكتى ءىستىڭ باسى» ، دەدى جاقىپ قاجىمان ۇلى.

ال باقىتجان جارىلقاسىن ۇلى ءوز ءسوزىن «بۇل باستاما - ۇلكەن فيلوسوفياعا اينالادى. بۇل - ۇلكەن ۇعىم. داۋسىز الاڭ - داۋسىز ايماققا اينالايىن دەپ وتىر. بىتىمگەرشىلىك - اتا- بابامىزدان كەلە جاتقان ءداستۇر. سوندىقتان 2 ميلليونعا جۋىق مۇشەسى بار كاسىپوداقتار فەدەراتسياسى اتىنان بۇل باستاماعا قولداۋ بىلدىرەمىن. تاتۋلاستىرۋ ورتالىقتارىن جاڭا قوعامدىق ينستيتۋتقا اينالدىرامىز دەپ سەنەمىن» ، دەپ تۇيىندەدى.

ج. اسانوۆتىڭ ايتۋىنشا، جاڭا جوبا ەلباسىنىڭ ۇكىمەتتىڭ كەڭەيتىلگەن وتىرىسىندا بەرگەن تاپسىرماسىنا ساي قولعا الىنعان. وڭىرلەردە العاش بولىپ وسى باستامانى ىسكە اسىرۋعا قىزىلوردا وبلىستىق اكىمدىگى قولداۋ كوتسەتتى. الداعى ۋاقىتتا تاتۋلاسۋ ورتالىقتارىن ەلىمىزدىڭ وبلىس ورتالىقتارىندا، سەمەي مەن جەزقازعاندا اشۋ جوسپارلانعان. مۇنداي ورتالىقتار حالىققا قىزمەت ەتىپ، قوعامداعى داۋلاردى شەشۋگە كومەكتەسەتىن بولادى.

نۇرلان قالقا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى