ارتىق سالماقتىڭ پايدالى جاقتارى انىقتالدى

 بۇل جۇرەك- قان تامىرلارى جۇيەسى ءۇشىن اسقىنۋ بولماعان كەزدە مەتابوليزمگە قارسى ساۋ سەمىزدىك دەپ اتالادى، دەپ حابارلايدى MedicalXpress سايتى.

ادام اعزاسىنداعى مايلار ارنايى تىندەردە تريگليتسەريد جانە حولەستەريننىڭ ەفيرلەرى تۇرىندە ساقتالادى جانە ولار اديپوتسيت جاسۋشالارىنان تۇرادى. تاماقتىڭ قۇنارلىعىنا ساي اديپوتسيتتەر مايدى قۋاتتىڭ قوسىمشا ءتۇرى رەتىندە قولدانادى نەمەسە ونى جينايدى. تريگليتسەريدتەر مەن حولەستەرين شامادان تىس جينالعاندا قابىنۋ فاكتورلارى ىسكە قوسىلىپ، قان تامىرلارىن بۇلدىرەدى جانە جۇرەك- قان تامىرى جۇيەسىنىڭ قىزمەتىن ناشارلاتادى.

ماي تىندەرىندە يممۋندى جۇيەنىڭ وزگەشە جاسۋشالارى نەيروپيلين-1 وڭدى ماكروفاگتاردى جينايتىنى انىقتالدى. ولار ارتىق مايلاردى جويىپ، كەرى اسەردەن قۇتىلۋ ءۇشىن ونى اعزاعا تاراتۋعا ىقپال ەتەدى.

تىشقاندارعا جاسالعان تاجىريبەدە ماكروفاگتاردىڭ كەمىرگىشتەر اعزاسىندا تارالۋى قانداعى قانت مولشەرىن قالپىنا كەلتىرەتىنى انىقتالدى.

ەستەرىڭىزگە سالا كەتسەك، بۇعان دەيىن گلازگو ۋنيۆەرسيتەتىنىڭ عالىمدارى ارتىق سالماق جۇرەك- قان تامىرلارى اۋرۋلارى مەن قانت ديابەتى ءقاۋىپ- قاتەرىن ارتتىرمايتىنىن جانە دەنساۋلىققا پايدالى بولۋى مۇمكىن دەگەن بولجامداردى تەرىسكە شىعارعان. بۇل  296535 ادامعا زەرتتەۋ جۇمىسىن جۇرگىزۋ ناتيجەسىندە بەلگىلى بولدى.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى