تەرى ءتۇسى ەكى ءتۇرلى بوپ تۋعان ەگىز ۇلدارعا اتا- اناسى ۇيرەنىسە الماي ءجۇر
سول ساتتە ول بالالارىنىڭ ەكرانداعى بەينەسىن كورۋگە اسىقتى. الايدا اياعى اۋىر كەزدىڭ وزىندە جاس انا بالالارىنىڭ ءبىر- بىرىنە ۇقسامايتىنىن بايقاپ تاڭعالعانىن ايتادى.
بۇل تۋرالى اعىلشىن باسىلىمى Mirror- عا سىلتەپ Stan.kz اقپاراتتىق اگەنتىگى حابارلايدى.
لۋكاس پەن ليەۆي دۇنيەگە كەلە سالىسىمەن ايەل ولاردىڭ ەكى ءتۇرلى ەكەنىن اڭعارعان.
«ەكەۋىنىڭ ايىرماشىلىعى قاتتى بايقالادى. ليەۆيدىڭ شاشى قارا، ال لۋكاستىڭ شاشى سارى. العاشقى كەزدە ليەۆيدىڭ كوزى قويۋ قوڭىر ءتۇستى بولسا، لۋكاستىڭ جانارى اسپان تۇستەس ەدى. نەگىزىندە كۇيەۋىم قارا رەڭدى، ال مەنىڭ شاشىم سارى ءتۇستى» ، - دەيدى تيگان.
ەگىزدەردىڭ ەكى ءتۇرلى بولۋى ولاردىڭ اتا- اناسى ءۇشىن ماقتانىش ەمەس. تيگاننىڭ ايتۋىنشا، بالالاردىڭ ەكى ءتۇستى ەكەنىن بايقاعان ادامدار نەشە ءتۇرلى سۇراق قويىپ، اقىرىندا كوڭىل كۇيدى تۇسىرەتىن كورىنەدى.
«العاشقىدا قىزىق كورىنەتىن. ءبىراق ۋاقىت وتە كەلە بۇل سۇراق شامىمىزعا تيە باستادى. كوپتەگەن ادامدار بالالاردىڭ ەگىز ەكەنىنە سەنبەيدى» ، - دەيدى اناسى.
