بالانىڭ كومپيۋتەرگە تاۋەلدىلىگىمەن قالاي كۇرەسۋگە بولادى؟

بالانىڭ كومپيۋتەردى ەرتەرەك ۇيرەنگەنى ارينە قۋانتادى. ءبىراق مۇنىڭ كەرى اسەر ەتەتىن جاقتارى دا جوق ەمەس. بولاشاقتا بۇل «كومپيۋتەرلىك تاۋەلدىلىككە» الىپ كەلۋى مۇمكىن.

كومپيۋتەرلىك تاۋەلدىلىك دەگەن نە؟

كومپيۋتەرلىك تاۋەلدىلىك - بۇل بالانىڭ ومىردەگى قىزىعۋشىلىقتاردان الىستاپ، قاتارلاستارىمەن قارىم- قاتىناستان تىيىلىپ، ۆيرتۋالدى كەڭىستىككە كەتۋى. بۇل بالالارعا اسا ءقۋىپتى. سەبەبى ولاردىڭ قورشاعان ورتامەن قارىم- قاتىناسى ەندى عانا قالىپتاسىپ جاتىر جانە پسيحيكاسى دا ورنىقپاعان.

كومپيۋتەرلىك تاۋەلدىلىك تۇرلەرى

ويىنعا تاۋەلدىلىك

بالالار كومپيۋتەرلىك ويىندارعا تىم تاۋەلدى. بۇل كەزدە ول ساباعىن، كۇن ءتارتىبىن، دوستارىن، ءتىپتى تاماق ءىشۋدى ۇمىتىپ كەتەدى.

سەتەگوليزم

جاس ءوسپىرىمنىڭ بارلىق ۋاقىتىن چاتتاردا، فورۋمدار مەن الەۋمەتتىك جەلىلەردە وتكىزۋگە دەگەن قۇمارلىعىن شارتتى تۇردە وسىلاي اتايدى. الەۋمەتتىك جەلىدەگى كوممۋنيكاتسيا ومىردەگى قارىم- قاتىناستان ماڭىزدى بولا تۇسەدى.

ينتەرنەت- سەرفينگ

 بۇل ءبىر سايتتان ءبىر سايتقا ماقساتسىز ءوتىپ، سىلتەمەلەر ارقىلى عالامتوردى شارلاۋ. بالا بۇل كەزدە قاۋىپتى سايتتارعا كىرىپ كەتۋى مۇمكىن.

  تاۋەلدىلىك سيمپتومدارى:

بالا بۇرىنعى حوببيلەرىنەن باس تارتادى؛

قاتارلاستارىمەن، تۋىستارىمەن ارالاسۋعا قىزىقپايدى؛

ۋاقىتتى ۇمىتىپ، كومپيۋتەردە ۇزاق ۋاقىت وتىرادى؛

تۇيىقتالىپ، اشۋشاڭ بولا باستايدى؛

ۆيرتۋالدى دوستارى كوبەيەدى؛

اتا-اناسىنا عالامتوردا نە ىستەپ وتىرعانىن ايتقىسى كەلمەيدى؛

قالاي كۇرەسۋ كەرەك؟

1. بالانىڭ كومپيۋتەردە وتىرۋ ۋاقىتىن شەكتەڭىز.

2. ونىڭ ۆيرتۋالدى الەمدە ناقتى نە نارسەگە قىزىعىپ جۇرگەنىن انىقتاڭىز.

3. كومپيۋتەرگە تاربيەشىنىڭ مىندەتىن جۇكتەپ قويماڭىز. بالا مازاڭىزدى الماس ءۇشىن كومپيۋتەر قوسىپ بەرە سالعان ءتيىمدى ارينە. ءبىراق بۇنىڭ زيانى كوپ.

4. بالامەن كوپ ۋاقىت وتكىزۋگە تىرىسىڭىز. ونىڭ ىشكى كۇيزەلىستەرى جايلى ءبىلىڭىز. تازا اۋاعا ءجيى الىپ شىعىڭىز.

5. ەگەر ءوز شاماڭىز جەتپەسە، مامانعا جۇگىنىڭىز.

دەرەككوز: http://sobesednik.ru

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى