رەسەي پرەزيدەنتى سايلاۋىنىڭ الدىن الا ناتيجەلەرى بەلگىلى بولدى

سايلاۋدا داۋىس بەرىپ شىعىپ كەلە جاتقان سايلاۋشىلار اراسىندا ساۋالناما جۇرگىزگەن بۇكىل رەسەيلىك قوعام پىكىرىن زەرتتەۋ ورتالىعىنىڭ (ب ق پ ز و) وكىلدەرى بۇگىن وسىنداي مالىمەتتەردى جاريا ەتتى، دەپ حابارلايدى ت ا س س.

«ب ق پ ز و مالىمەتتەرى بويىنشا، ءبىرىنشى كەزەڭدە رەسەي فەدەراتسياسىنىڭ پرەزيدەنتى لاۋازىمىنا ۆلاديمير پۋتين (%73,9 داۋىس) سايلانعان»، - دەلىنگەن اگەنتتىك مالىمەتتەرىندە.

2012-جىلى وتكەن سايلاۋدا پۋتين سايلاۋشىلارىڭ %63,60 داۋسىن جيناعان.

ساۋالناما مالىمەتتەرى بويىنشا، ەكىنشى ورىندا ك پ ر ف اتىنان سايلاۋعا تۇسكەن كانديدات-بيزنەسمەن پاۆەل گرۋدينين (%11,2) تۇر. ءۇشىنشى ورىندا ل د پ ر كوشباسشىسى ۆلاديمير جيرينوۆسكي (%6,7) ورنالاسقان.

«ودان كەيىنگى كانديداتتاردىڭ جيناعان داۋىستارى شاعىن: كسەنيا سوبچاك - %2,5، گريگوري ياۆلينسكي - 1,6%، بوريس تيتوۆ - %1,1، سەرگەي بابۋرين - %1,0، ماكسيم سۋرايكين - %0,8»، - دەلىنگەن ب ق پ ز و تاراتقان اقپاراتتا.

ساناۋعا جاتپايتىن بيۋللەتەندەردىڭ سانى %1,2 ەكەنى ايتىلادى.

ساۋالناماعا بارلىعى 162 مىڭ 601 ادام قامتىلعان. قويىلعان ساۋالدارعا رەسپوندەنتتەردىڭ %62,8 جاۋاپ بەرگەن، %37,2 جاۋاپ بەرۋدەن باس تارتقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى