گرەكيا مينيسترىنە وق سالىنعان حات جولداعان

 Reuters اگەنتتىگىنىڭ حابارلاۋىنشا، سوڭعى ايلاردا ءمينيستردىڭ اتىنا الدەكىمدەر وسىنداي بىرنەشە حات جولداعان، اقپاندا كەلگەن ءبىر حاتتان ءۇش وق تابىلعان.

نيكوس كوتتسياس گرەكيا مەن ماكەدونيا اراسىنداعى اتاۋعا بايلانىستى داۋلى ماسەلە بويىنشا كەلىسسوزدەرگە تۇراقتى قاتىسىپ كەلەدى. قۇرامىندا ماكەدونيا پروۆينتسياسى بار گرەكيا بۇرىنعى يۋگوسلاۆيادان 1991 -جىلى ءبولىنىپ شىققان كورشى ماكەدونيا ەلىنەن اتاۋىن وزگەرتۋدى تالاپ ەتەدى. ماكەدونيا مەملەكەتى وعان كەلىسپەيدى.

مينيستر كوتسياس جاقىن ارادا ماكەدونيا استاناسى سكوپەدە «ماكەدونيا» اتاۋىنا بايلانىستى جالعاساتىن كەلىسسوزدەرگە تاعى بارماقشى. افينا مەن سكوپە ءوزارا كەلىسسوزدەردى جەدەلدەتۋگە كەلىسكەن. ماكەدونيا مەملەكەتىنىڭ اتاۋىنا بايلانىستى پروبلەما ناتو مەن ەۋروپا وداعىنا قوسىلۋعا نيەتتى سكوپە كەزىككەن بوگەتتەردىڭ بىرىنە اينالعان.
www.azattyq.org

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى