رەسەيدەگى پرەزيدەنتتىك سايلاۋ باقىلاۋشىلاردىڭ كوپتىگىمەن ەستە قالماق

 ورتالىق سايلاۋ كوميسسياسى رەسمي داۋىس بەرۋدى 17-  ناۋرىز كۇنى اشىق دەپ جاريالادى. ياعني ماسكەۋ ۋاقىتىمەن كەشكى 11:00-دە، قيىر شىعىستا تاڭعى 8:00-دە كامچاتكا مەن چۋكوتكاداعى العاشقى سايلاۋ ۋچاسكەلەرى اشىلدى. مۇنداي ۋچاسكەلەردىڭ ەلدە بارلىعى 97 مىڭ، شەت ەلدە 400-گە جۋىعى بار. بۇگىندە 145 مەملەكەتتەن 2 ميلليون رەسەيلىك ءوز تاڭداۋىن جاسايدى.

 نيكولاي نيكيفوروۆ، ر ف بايلانىس جانە بۇقارالىق اقپارات قۇرالدارىنىڭ ءمينيسترى:

-  بۇل سايلاۋالدى ناۋقاندا «موبيلدى داۋىس بەرۋ» جۇيەسى ىڭعايلى سايت بولدى. مەملەكەتتىك قىزمەت پورتالىنىڭ كومەگىمەن داۋىس بەرۋگە ىڭعايلى ۋچاسكەنى تاڭداۋعا بولادى. باعدارلامانى قولدانعان سايلاۋشىلاردىڭ سانى وتە كوپ. بارلىعى -  1 ميلليون 600 مىڭ ادام. بۇل -  شىنىندا وتە ءتيىمدى ءارى قولايلى يننوۆاتسيا.

 ايتا كەتەيىك، بۇل پرەزيدەنتتىك سايلاۋ باقىلاۋشىلاردىڭ كوپتىگىمەن ەستە قالماق. ولاردىڭ سانى -  ءبىر جارىم مىڭ ادام. ورتالىق سايلاۋ كوميسسياسىنىڭ مالىمەتىنشە، مۇنداي جاعداي رەسەيدىڭ تاريحىندا ءالى بولماعان. ونىڭ ىشىندە قازاقستاننان باعىتتالعان باقىلاۋشىلاردىڭ سانى 200-دەن استام. كورشىلەس ەل داۋىس بەرۋ پروتسەسىن مۇمكىندىگىنشە اشىق قىلۋعا تىرىسقان. ەلدىڭ بارلىق وڭىرلەرىندە 46 مىڭ بەينەباقىلاۋ ورناتىلعان. كەز كەلگەن ادام ينتەرنەت ارقىلى ونلاين رەجيمدە بولىپ جاتقان سايلاۋدى كورە الادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى