پەتروپاۆلدا «سال- سەرىلەردىڭ سەركەسى» اتتى اقىندار ايتىسى مارەگە جەتتى

 دەپ حابارلايدى «قازاقپارات» ءتىلشىسى.

 ايتىس ونەرىن دامىتۋ، اقىنداردىڭ شەبەرلىگىن شىڭداي ءتۇسۋ ماقساتىندا ۇيىمداستىرىلعان ايتۋلى دوداعا بارلىعى 16 اقىن قاتىسىپ، باق سىنادى.

 قازىلار القاسىنىڭ شەشىمىمەن سايىس قورىتىندىسىندا باس جۇلدەنى (Renault Duster اۆتوموبيلى) بەلگىلى ايتىسكەر اقىن، الماتىلىق رينات زايىتوۆ جەڭىپ الدى. قاراعاندىلىق ماقسات اقانوۆ ءبىرىنشى جۇلدەنى (1 ميلليون تەڭگە) قانجىعاسىنا بايلاسا، باتىس قازاقستاندىق جانسايا مۋسينا مەن سولتۇستىك قازاقستاندىق جارقىن جۇپارحان ەكىنشى ورىنعا (500 مىڭ تەڭگەدەن) كوتەرىلدى. سونداي- اق سەمەيلىك اسەم ەرەجە، الماتىلىق قازىرەت بەردىحان، بولاتبەك ورازبايەۆ (الماتى وبلىسى) ءۇشىنشى ورىنعا (300 مىڭ تەڭگەدەن) يە بولدى.

«ايتىس جوعارى دەڭگەيدە ءوتتى. مەن سولتۇستىك قازاقستاندىق جارقىن جۇپارحانمەن ساحناعا شىقتىم. ەڭ باستىسى، اقىندار ونەرىنە كورەرمەندەر قوشەمەتى ەرەكشە بولدى»، دەدى «قازاقپارات» تىلشىسىنە جانسايا مۋسينا.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى