ر ف پرەزيدەنتىن سايلاۋ: قازاقستان قالالارىندا رەسەيلىكتەر داۋىس بەرىپ جاتىر

بۇعان دەيىن ق ر- داعى ر ف ەلشىلىگى باسپا ءسوز قىزمەتىنىڭ حابارلاعانىنداي، قازاقستانداعى رەسەي ەلشىلىگىنىڭ جانە باس كونسۋلدىقتارىنىڭ جانىنداعى سايلاۋ ۋچاسكەلەرى كەلەسى جەرلەردە ورنالاسقان:

1. استانا - رەسەي عىلىم جانە مادەنيەت ورتالىعى؛

2. اقتاۋ - اباي اتىنداعى مادەني كەشەن؛

3. اقتوبە - وقۋشىلار سارايى؛

4. الماتى - رەسەيدىڭ باس كونسۋلدىعى؛

5. اتىراۋ - قۇرمانعازى اتىنداعى مادەنيەت ءۇيى؛

6. قاراعاندى - كەنشىلەر مادەنيەت ءۇيى؛

7. كوكشەتاۋ - «كوكشەتاۋ» مادەنيەت ءۇيى؛

8. قوستاناي - وبلىستىق دوستىق ءۇيى؛

9. پاۆلودار - ەستاي اتىنداعى مادەنيەت سارايى؛

10. پەتروپاۆل - ساتپايەۆ كوشەسى، 37 ءۇي؛

11. پريوزەرسك - 97- ءشى وفيتسەروۆ ءۇيى؛

12. سەمەي - بالالار پەن جاستار شىعارماشىلىق سارايى؛

13. تالدىقورعان - ءى. جانسۇگىروۆ اتىنداعى مادەنيەت سارايى؛

14. تاراز - № 8 تولە بي اتىنداعى مەكتەپ- گيمنازيا؛

15. ورال - مۇسيت كوشەسى، 78 ءۇي؛

16. وسكەمەن - رەسەيدىڭ باس كونسۋلدىعى؛

17. شىمكەنت - وقۋشىلار سارايى.

سونىمەن قاتار، قوردايدا (16 - ناۋرىز) جانە قىزىلوردادا (15- ناۋرىز) مەرزىمىنەن بۇرىن كوشپەلى داۋىس بەرۋ ۇيىمداستىرىلعان.

ەسكە سالا كەتسەك، بۇگىن رەسەيدە پرەزيدەنت سايلاۋى ءوتىپ جاتىر. 2018 -جىلدىڭ 1 - قاڭتارىنداعى مالىمەتتەرگە سايكەس، ورتالىق سايلاۋ كوميتەتى داۋىس بەرۋگە قۇقىلى 110 ميلليون 858 مىڭ 228 سايلاۋشىنىڭ بارىن جاريالاعان. ولاردىڭ 108 ميلليون 968 مىڭ 869-ى رەسەيدە، 1 ميلليون 889 مىڭ 359 ادام شەتەلدە داۋىس بەرە الادى.

ر ف س ءى م رەسمي وكىلى ماريا زاحاروۆانىڭ حابارلاۋىنشا، الەمنىڭ 145 ەلىندەگى 378 ۋچاسكەدە رەسەيلىك ازاماتتار سايلاۋعا قاتىسا الادى.

مەملەكەتتىڭ پرەزيدەنتتىگىنە: ل د پ ر كوشباسشىسى ۆلاديمير جيرينوۆسكي، ك پ ر ف اتىنان بيزنەسمەن پاۆەل گرۋدينين، «گراجدانسكايا ينيتسياتيۆا» پارتياسىنىڭ تەلەجۇرگىزۋشىسى كسەنيا سوبچاك، «يابلوكو» پارتياسىنىڭ نەگىزىن قالاۋشى گريگوري ياۆلينسكي، بيزنەس- ومبۋدسمەن، روست پارتياسىنىڭ ءتوراعاسى بوريس تيتوۆ، «كوممۋنيستى روسسي» پارتياسىنىڭ اتىنان ماكسيم سۋرايكين، «روسسييسكيي وبشەنارودنىي سويۋز» پارتياسىنىڭ كوشباسشىسى سەرگەي بابۋرين، سونىمەن قاتار، قازىرگى پرەزيدەنت ۆلاديمير پۋتين ءتۇسىپ جاتىر. پۋتيندى «ەدينايا روسسيا»، «سپراۆەدليۆايا روسسيا»، «رودينا»، «پاتريوتى روسسيي» پارتيالارى مەن قوعامدىق ۇيىمدار قولداپ وتىر.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى