استانادا قازاق تەلەۆيزياسىنىڭ ارداگەرلەرىنە قۇرمەت كورسەتىلدى
ەسكە سالا كەتسەك، «تۇمار» ۇلتتىق تەليەۆيزيالىق بايگەسىنىڭ جەڭىمپازدارىن ماراپاتتاۋ سالتاناتى بيىل قازاق تەليەۆيزياسىنىڭ 60 جىلدىعىنا ارنالىپ وتىر. تىلشىلەرمەن، تەليەۆيزيادا ەڭبەك ەتەتىن ماماندارمەن، قوعام قايراتكەرلەرى جانە ەسترادا جۇلدىزدارىمەن بىرگە سالتاناتتى شاراعا قازاق تەليەۆيزياسىنىڭ ارداگەرلەرى دە شاقىرىلدى. شارا بارىسىندا ق ر اقپارات جانە كوممۋنيكاتسيالار ءمينيسترى داۋرەن ابايەۆ ولاردى «قازاق تەليەۆيزياسىنا 60 جىل» مەرەيتويلىق مەدالىمەن ماراپاتتادى.
جۋرناليستيكا ارداگەرلەرىنىڭ الدىندا قۇتتىقتاۋ ءسوز سويلەگەن مينيستر الەمنىڭ تىنىمسىز وزگەرىسكە ۇشىراپ كەلە جاتقانىن، الەممەن بىرگە تەحنولوگيالار، اقپاراتتىق جەتكىزۋ، جاڭالىقتار مەن تەلەباعدارلامالاردىڭ فورماتتارى دا وزگەرىس جولىندا ەكەنىن جەتكىزدى. ءبىراق، بۇنىڭ ءبارى ءبىر نارسەنى عانا - ءوز ىسىنە دەگەن ماحابباتتى، كورەرمەنگە دەگەن قۇرمەتتى، جەتىلدىرۋ جولىنداعى ءاردايىم دامۋ قۇلشىنىسىن وزگەرتە المايدى.
«مەملەكەت باسشىسى ءاردايىم ءوز سوزىندە ەل ومىرىندەگى ب ا ق ءرولىن ەرەكشە اتاپ ءوتىپ، مەديا سالانىڭ دامۋىنا ەرەكشە ءمان بەرەدى. وعان كۋا رەتىندە زاماناۋي ينفراقۇرىلىمدى، سالانىڭ دامۋىنا بولىنەتىن اۋقىمدى دوتاتسيانى ايتىپ وتۋگە بولادى»، - دەگەن مينيستر قازاق تەلەۆيزياسىنىڭ ارداگەرلەرىنە العىسىن ءبىلدىردى.
قازاق تەلەۆيزياسىنىڭ ارداگەرلەرى استانادا ارنايى ۇيىمداستىرىلعان رەسمي ماراپاتتاۋ سالتاناتىنا شاقىرىلدى. بيىل «تەلەۆيدەنيەنىڭ 60 جىلدىعى - تەلەۆيدەنيەگە قوسقان ۇلەسى ءۇشىن» ارنايى سىياقىسى تاعايىندالىپ وتىر.
