قالماق ەلىنىڭ جاس عالىمدارى ورالعا كەلدى
ۋنيۆەرسيتەتتىڭ عىلىمي ءبولىمىنىڭ باسشىسى، فيلولوگيا عىلىمدارىنىڭ دوكتورى، پروفەسسور مۇرات سابىردىڭ ايتۋىنشا، شارا ماقساتى - جاس عالىمداردى قازىرگى تاڭداعى عىلىمي ماسەلەلەردى شەشۋگە جۇمىلدىرۋ، شىعارماشىلىق قابىلەتتەرىن شىڭداپ، دارىندى ستۋدەنتتەر مەن ماگيسترانتتاردى قولداۋ.
كونفەرەنسيادا ەلىمىزدە، سونداي-اق رەسەيدەگى جوعارى وقۋ ورىندارىندا ءبىلىم الىپ جاتقان جاستار قاتىسىپ، ءوز وي-تولعامدارىن ورتاعا سالدى. مىسالى، باتىس قازاقستان يننوۆاتسيالىق-تەحنولوگيالىق ۋنيۆەرسيتەتىنىڭ 1-كۋرس ماگيسترانتى داناگۇل بايمۇراتوۆا «قازاقستان جاستارى - رۋحاني جاڭعىرۋ جولىندا» دەگەن تاقىرىپتا بايانداما جاساسا، وسى وقۋ ورنىنىڭ اعا وقىتۋشىسى، م. اكمۋللا اتىنداعى باشقۇرت مەملەكەتتىك پەداگوگيكا ۋنيۆەرسيتەتىنىڭ 2-كۋرس اسپيرانتى بالجان بايمۇحانوۆا «پەداگوگ مامانداردى يننوۆاتسيالىق تەحنولوگيالاردى قولدانۋ نەگىزىندە كاسىبي دايارلاۋ» تۋرالى ايتىپ بەردى.
سوڭعى جىلدارى عىلىم مەن ءبىلىم سالاسىندا م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتى مەن ب. گورودوۆيكوۆ اتىنداعى قالماق مەملەكەتتىك ۋنيۆەرسيتەتى ءتيىمدى قارىم-قاتىناس جاساپ كەلەدى. ءبىراز بۇرىن قالماق ەلىنىڭ جوعارى وقۋ ورنى باتىس قازاقستان يننوۆاتسيالىق-تەحنولوگيالىق ۋنيۆەرسيتەتىمەن دە وسىنداي كەلىسىمگە كەلدى.
«اتالمىش ءۇش ج و و اراسىندا بىرلەسكەن جوبالار جۇزەگە اساتىن بولادى. ايتالىق، وسى ۋنيۆەرسيتەتتەر عالىمدارى جاستاردى تۇركى ءتىل عىلىمىن زەرتتەۋگە تارتاتىن جوبالار ازىرلەۋدە. سول سەكىلدى باتىس قازاقستاندىق جاستار ءبىزدىڭ ۋنيۆەرسيتەتتە ءبىلىم السا، بۇل ەكى جاققا دا ءتيىمدى بولماق»، - دەدى قالماق مەملەكەتتىك ۋنيۆەرسيتەتىنىڭ وقىتۋشىسى ۆلاديمير مۋشايەۆ.
مۇنداي ءتيىمدى بايلانىستار باسقا ج و و- لارمەن دە ورناتىلۋدا.
ەكى كۇنگە سوزىلعان كونفەرەنتسيا تەحنيكالىق، جاراتىلىستانۋ، ەكونوميكالىق، الەۋمەتتىك-گۋمانيتارلىق، مۇناي-گاز، اقپاراتتىق، پەداگوگيكالىق باعىتتا 14 سەكسيا بويىنشا جۇمىس جاسادى. وعان 300 دەي بايانداما ۇسىنىلدى. كونفەرەنسيا قورىتىندىسى بويىنشا ماتەريالدار جيناعى باسىلىپ شىقپاق.
