وڭتۇستىكتە ۇلىستىڭ ۇلى كۇنى كيەلى قازىعۇرتتان باستالادى - فوتو
مەرەكەلىك شارا 21- ناۋرىز كۇنى وتەدى. بۇل تۋرالى و ق و وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق مادەنيەت جانە تىلدەردى دامىتۋ باسقارماسى باسشىسىنىڭ مىندەتىن اتقارۋشى اسىلحان تەمىرحان ءمالىم ەتتى.
ونىڭ ايتۋىنشا، «ناۋرىز - قازىعۇرتتان باستالادى» مەرەكەلىك ءىس-شاراسى اياسىندا تەاترلاندىرىلعان قويىلىمدار كورسەتىلىپ، كونسەرتتىك باعدارلامالار ۇيىمداستىرىلادى.
«قازىعۇرتتاعى مەرەكە كۇنى تاۋ بوكتەرىندە كەمەتەكتەس ساحنا قويىلادى. 40 شاقتى كيىز ءۇي ورناتۋ جوسپارلانىپ وتىر. وڭىردەگى ونەر مايتالماندارى ەل الدىندا ءان مەن بيدەن شاشۋ شاشادى. سونداي-اق، قولونەر شەبەرلەرىنىڭ ونىمدەرى مەن ۇلتتىق تاعامداردىڭ كورمەسى- جارمەڭكەسى وتەدى. ۇلتتىق سپورتتىق ويىندار بويىنشا ءتۇرلى جارىستاردا قاتىسۋشىلار باق سىنايدى. سالت- داستۇرگە ارنالعان قويىلىمدار قوناقتارعا مەرەكەلىك كوڭىل سىيلايتىن بولادى»، - دەدى اسىلحان تەمىرحان ۇلى.
بۇدان بولەك، 19-21- ناۋرىز ارالىعىندا وبلىستاعى بارلىق قالا، اۋدانداردا «جىل ارقاۋى - جىل باسى ناۋرىز»، «قوش كەلدىڭ، ءاز - ناۋرىز!»، «100 كىتاپ» سىندى سۋرەت كورمەلەرى مەن جاس اقىندار ايتىستارى وتەدى.
سونىمەن قاتار، شىمكەنت قالاسىندا قوشقار اتا وزەنىنىڭ باستاۋىندا «قوشقار-اتا سەيىلى» اتتى كوكتەم فەستيۆالى ۇيىمداستىرىلىپ، ناۋرىز مەرەكەسىنە وراي زووباقتىڭ ماۋسىمدىق اشىلۋى بولادى.
مەرەكەلىك شارا 22- ناۋرىز كۇنى شىمكەنت قالسىنداعى ناۋرىز الاڭىندا «ناۋرىز كوكتەم - شىمقالا!» مەرەكەلىك ءىس-شاراسىمەن جالعاسادى. وندا جۇرت «ناۋرىز-دۋمان» مەرەكەلىك شەرۋىن تاماشالايدى. سونداي-اق، قازاقستان ەسترادا جۇلدىزدارىنىڭ قاتىسۋىمەن مەرەكەلىك كونسەرت وتەدى. ۇلتتىق سپورت تۇرلەرىنەن ويىندار كورسەتىلىپ، شارا سوڭى مەرەكەلىك وتشاشۋمەن اياقتالادى.
23- ناۋرىز كۇنى ۇلىستىڭ ۇلى كۇنى مەرەكەسىنە وراي وبلىس ورتالىعىندا كىتاپ فەستيۆالى مەن رەسپۋبليكالىق «ناۋرىز» اقىندار ايتىسى ۇيىمداستىرىلادى.
