سىبايلاس جەمقورلىققا قارسى كۇرەس اگەنتتىگى اشىق ديالوگقا دايىن - ارمان بەردالين
بۇل تۋرالى وسى ۆەدومستۆونىڭ جۇرتشىلىقپەن بايلانىس جونىندەگى دەپارتامەنتىنىڭ ديرەكتورى ارمان بەردالين قىزىلورداعا ساپارى بارىسىندا ايتتى، دەپ حابارلادى قازاقپارات ءتىلشىسى.
ساپار اياسىندا اگەنتتىك وكىلى قىزىلوردا قالاسى، جالاعاش جانە سىرداريا اۋداندارىنىڭ تۇرعىندارىمەن، ونىڭ ىشىندە مەملەكەتتىك قىزمەتشىلەرمەن، قوعامدىق ۇيىمداردىڭ وكىلدەرىمەن جانە ستۋدەنتتەرىمەن كەزدەسۋ وتكىزدى. مەملەكەتتىك قىزمەتشىلەرمەن كەزدەسۋ بارىسىندا ول قازىرگى تاڭدا مەملەكەتتىك قىزمەتشىلەردىڭ قۇقىقتارى مەن زاڭدى مۇددەلەرىن قورعاۋ اگەنتتىكتىڭ كادرلىق ساياساتىنىڭ نەگىزگى باسىمدىقتارىنىڭ ءبىرى بولىپ تابىلاتىندىعىن اتاپ ءوتتى.
دەپارتامەنت ديرەكتورىنىڭ ايتۋىنشا، وسى جىلدان باستاپ اگەنتتىك مەملەكەتتىك قىزمەتشىلەردىڭ قۇقىقتارىنىڭ بۇزىلۋىنا بايلانىستى وقيعالارعا تالداۋ جاساپ، تۇراقتى باقىلاۋدا ۇستايتىن بولادى. مىسالعا، باسقارمانىڭ قۇرىلىمىنىڭ وزگەرۋى مەن قايتا ۇيىمداستىرىلۋى بارىسىنداعى مەملەكەتتىك قىزمەتشىلەردىڭ ەڭبەكتىك قۇقىقتارى، دەمالىس بەرۋ جانە سايكەستەندىرىلگەن تولەمدەر جاساۋ شەشىمىن تاپپاق.
مۇنان وزگە ول مەملەكەتتىك كورسەتىلەتىن قىزمەتتەردى وڭتايلاندىرۋ، ولاردى ازاماتتاردى مەملەكەتتىك قىزمەت كورسەتەتىن ينستيتۋتتارمەن تىكەلەي قارىم-قاتىناسقا اكەلەتىن مۇمكىندىكتەردى جوياتىن ەلەكتروندى ۇلگىگە اۋىستىرۋ تۋرالى دا اڭگىمەلەدى.
بۇگىنگى كۇنى تىزىلىمدەگى مەملەكەتتىك كورسەتىلەتىن قىزمەتتىڭ 447 ءسى «ەلەكتروندى ۇكىمەت» پورتالى ارقىلى قولجەتىمدى. بۇل ۋاقىتتى ۇنەمدەۋگە جانە قىزمەتتى كەز كەلگەنى ڭعايلى ۋاقىتتا الۋعا مۇمكىندىك بەرەدى.
بۇدان بولەك، بيىلعى جىلدان باستاپ ازاماتتارعا مەكەن- جاي، جىلجىمايتىن مۇلىككە تىركەلگەن قۇقىقتار، مۇلىكتىڭ جوقتىعى نەمەسە بار بولۋى تۋرالى انىقتامالاردى مەملەكەتتىك ورگاندارعا ۇسىنۋدىڭ قاجەتى جوق.
ارمان بەردالين اگەنتتىكتىڭ حالىقپەن اشىق ديالوگ قۇرۋعا دايىن ەكەنىن ايتتى. «ازاماتتار مەن مەملەكەتتىك قىزمەتشىلەر اگەنتتىك توراعاسىمەن ونىڭ فەيسبۋك الەۋمەتتىك جەلىسىندەگى جەكە پاراقشاسى ارقىلى تىكەلەي بايلانىس ورناتا الادى»، - دەدى ول.
