دانا نۇرجىگىت - «جىلدىڭ ۇزدىك تەلەجۇرگىزۋشىسى» اتاندى

سالتاناتتى راسىمدە «ۇزدىك رەجيسسەرلىك جۇمىس» نوميناتسياسى بويىنشا - قۋانىش ورازاليەۆتىڭ «بىلو دەلو» رەجيسسەرلىك جۇمىسى ۇزدىك دەپ تانىلدى. «ۇزدىك وپەراتورلىق جۇمىس» نوميناتسياسى بويىنشا - «ناەدينە س پريرودوي» باعدارلاماسىمەن «قازاق ت ۆ» توپ جاردى.

«جىلدىڭ ۇزدىك تەلەجۋرناليسى» نوميناتسياسىن «حابار» ارناسىنان اسحات نيازوۆ، ال «جىلدىڭ ۇزدىك تەلەجۇرگىزۋشىسى» ماراپاتىن دانا نۇرجىگىت جەڭىپ الدى.

«ەڭ بىرىنشىدەن وسىنداي شارانى ۇيىمداستىرعان ق ر اقپارات جانە كوممۋنيكاتسيالار مينيسترلىگىنە العىس ايتقىم كەلەدى. «تۇماردىڭ» اۋقىمى كەڭەيدى. بۇل ماراپات شىنىندا دا جۇمىس ساپاسىنىڭ ەتالونى بولا الاتىنىنا سەنىمىم زور. تاريحي رەپورتاجدى كورىپ وتىرىپ، كەرەمەت كوڭىل كۇيدە بولدىم»، - دەدى «جىلدىڭ ۇزدىك تەلەجۋرناليسىن» ماراپاتتاعان  «Forbes Kazakhstan» باسىلىمىنىڭ جەتەكشىسى ارمانجان بايتاسوۆ.

ەسكە سالا كەتسەك، «تۇمارعا» وتىنىمدەردى قابىلداۋ تولىعىمەن اۆتوماتتاندىرىلىپ، kaztube.kz پورتالىنىڭ نەگىزىندە جۇزەگە اسىرىلعان بولاتىن. بايگەگە قاتىسۋشىلاردىڭ جوعارى بەلسەندىلىكتەرىن اتاپ ءوتۋ كەرەك. وتىنىمدەردى قابىلداۋ كەزەڭىندە kaztube.kz پورتالىنا كىرۋشىلەر سانى 80 پايىزعا ءوستى، ال وتىنىمدەر سانى بىلتىرعى كورسەتكىشكە قاراعاندا 1,6 ەسەگە ارتتى (240 ءوتىنىم).

2018 -جىلى «تۇمارعا» 397 كونكۋرستىق جۇمىس كەلىپ ءتۇستى. ولاردىڭ ىشىندە قازىلار القاسى بايگە ەرەجەسىنىڭ تالاپتارىنا سايكەس راسىمدەلگەن 355 كونكۋرستىق ءوتىنىمدى قاراۋعا قابىلدادى.

 اعىمداعى جىلعى بايگەگە 14 نوميناتسيا بويىنشا وتىنىمدەر قابىلداۋ 15 - قاڭتار مەن 1 - ناۋرىز ارالىعىندا جۇرگىزىلگەن.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى