ميلليونەرلەر جايلى قىزىقتى مالىمەتتەر
ەگەر ستاتيستيكاعا سۇيەنەتىن بولساق، ءاربىر بەسىنشى ميلليونەر جوعارى ءبىلىم الماعان. ال ولاردىڭ تەك % 6 عانا دوكتور اتاعىن العان.
بيزنەس الەمىندە بىردەن جولى بولىپ كەتكەن ميلليونەر جوق. بارلىعىن قايتادان 4-5 مارتە باستاعان جاندار دا بار.
الەمدەگى ەڭ باي سپورت مەنەدجەرلەرىنىڭ ءبىرى امەريكاندىق دون كينگ ءبىر كۇنى دۇكەنگە كەلىپ، 64000 دوللارعا بىردەن 110 جۇپ اياق كيىمدەرىن ساتىپ الادى. ءبىراق بۇل سيرەك كەزدەسەتىن وقيعا. ا ق ش تىڭ الەۋمەتتىك سالا قىزمەتكەرلەرى كوپ جاعدايدا ميلليونەرلەردىڭ 140 دوللاردان ارتىق باعاعا اياق كيىم المايتىندىقتارىن ايتادى.
ال كارل رابەدەر كەدەي وتباسىندا دۇنيەگە كەلگەن. ول كىشكەنتاي كۇنىنەن باي بولۋدى ارمانداپ، سوعان قول جەتكىزگەنىمەن ونىڭ ەشقانداي باقىت اكەلمەيتىندىگىن ۇعىپ، بار بايلىعىن قايىرىمدىلىققا اۋدارىپ جىبەرگەن.
دجەيمس ۆيلسون ءوزىنىڭ 84 كە تاياپ، ەگدە تارتقان جاسىندا ءبىراق ميلليونەر اتانعان. قالاي دەيسىز بە؟ لوتورەيا ويىندارىنىڭ جالعان ەكەندىگىن تۋىستارىنا دالەلدەمەكشى بولىپ بيلەت ساتىپ العان ونىڭ بىردەن جولى بولىپ كەتەدى. بىردەن 256 ميلليون ۇتىپ الادى!
سونداي اق وتە ساراڭ ميلليونەرلەر دە كەزدەسەدى. ماسكەۋلىك باي گاۆريلا سولودوۆنيكوۆ ءوزىنىڭ جۇمىسكەرلەرىنە كەشەدەن قالعان بىلامىقتى بەرەتىن بولعان.
2 ميلليارد دوللاردان استام قارجىسى بار ايگىلى ينۆەستور نيكولاس بەرگگريۋەن ءۇيسىز. ءيا، ونىڭ تۇرعىلىقتى ءۇيى جوق. ءزاۋلىم سارايدا جالعىز تۇرۋدان جالىققان ول ۆيللاسىن ساتىپ، ءوزى ساياحاتتاپ، قوناق ۇيلەردە تۇنەيدى.
ال ەركەكتەردىڭ كوز جاسىنا بايىعان دا ميلليونەر بار. رودجەر گرەي ەركەكتەر ايەلدەرگە قاراعاندا سيرەك جىلايتىنى ءۇشىن قىسقا ءومىر سۇرەتىنىن دالەلدەپ، ەركەكتەرگە دۇرىس جىلاۋدى ۇيرەتەتىن كۋرس اشقان.
ال قىتايلىق چەن گۋانبياو «اۋادان» ميلليون ا ق شا تاپقان. ونىڭ تۋعان قالاسى پەكيننىڭ اۋاسى لاس. سونى پايدالانىپ، ول تازا اۋا تولتىرىلعان قۇتىلار ساتا باستاعان. ول مۇنى اقشا تابۋدىڭ كوزى دەپ ەمەس، بيلىكتەگىلەرگە ەكونوميكالىق ماسەلەلەردى جەتكىزۋ دەپ بىلەدى. سول ءۇشىن تابىسىنىڭ باسىم بولىگىن قايىرىمدىلىققا جۇمسايدى.
