عالىمدار الكوگولدى ىشىمدىك ءىشۋدىڭ قانشالىق زيان ەكەنىن انىقتادى

كاليفورنيا شتاتىنداعى امەريكالىق ۋنيۆەرسيتەت عالىمدارى وسىنداي قورىتىندى شىعارعان، دەپ حابارلايدى segodnya.ua سايتى.

زەرتتەۋ جۇمىسىنا 18 ەرىكتى ادام قاتىسقان. ولارعا ەكران ورتاسىندا پايدا بولعان شارشى ءپىشىننىڭ ءتۇسىن انىقتاۋ ۇسىنىلعان. ال ەكراننىڭ باسقا تۇسىنان شىعىپ جاتقان ءپىشىن تۇستەرىنە ءمان بەرمەۋى كەرەك بولاتىن.

زەرتتەۋ ناتيجەسىندە ىشىمدىك ىشكەن ادامداردىڭ ەكران ورتاسىنان ەمەس، شەتىنەن شىققان شارشى ءتۇسىن ايتقانى انىقتالعان.

سونداي- اق، عالىمدار ارنايى قۇرىلعى ارقىلى زەرتتەۋ جۇمىسىنا قاتىسۋشىلاردىڭ مي يمپۋلسىن انىقتاپ كورگەن. ىشىمدىك ىشكەن ادام بولىپ جاتقان جاعدايدى دۇرىس قابىلداي العانىمەن، دۇرىس ارەكەت جاساي المايتىنى بەلگىلى بولدى. ياعني، زەرتتەۋ جۇمىسىنا قاتىسىپ جاتقاندار بەرىلگەن تاپسىرمانى دۇرىس تۇسىنگەن، ءبىراق ەكران ورتاسىنداعى ەمەس، شەتىندەگى شارشى پىشىندەردىڭ ءتۇسىن ايتقان. ادامنىڭ مۇنداي كۇيى كولىك جۇرگىزگەن كەزدە وتە قاۋىپتى.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى