قازاقستاندىقتار شاڭحايدىڭ توقىما ونەركاسىبىن ۇيرەنىپ جاتىر
«قازاقستان يندۋستريانى دامىتۋ ينستيتۋتى» ا ق باس ساراپشىسى نۇرسۇلتان شالقاروۆ (استانا)، «Industrial Energy Alliance» ج ش س ديرەكتورىنىڭ ورىنباسارى دانارا سمايل (قاراعاندى)، « Sinopec-قازاقستان» قىزمەتكەرى ءلاززات ءادىلوۆا (اقتوبە) جانە قازاق ۇلتتىق ونەر ۋنيۆەرسيتەتىنىڭ مۇعالىمى جانىبەك ورازالى (استانا) جانە م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ پروفەسسورى گۇلجامال ماحمۋدوۆا (شىمكەنت) وزبەكستان، البانيا، يران، فرانسيا جانە ءبىرقاتار افريكا ەلدەرىنىڭ 29 وكىلىمەن بىرلەسىپ، ءبىر اي بويى تەوريالىق دايىندىقتان وتەدى، سونداي- اق توقىما ونىمدەرىن شىعاراتىن شاڭحاي كاسىپورىندارىن ارالايدى.
سەميناردىڭ اشىلۋ راسىمىنە شاڭحايداعى ق ر باس كونسۋلى جوشىحان قىراۋبايەۆ قاتىستى.
ج. قىراۋبايەۆ «قازاقپارات» ح ا ا- عا بەرگەن سۇحباتىندا اتاپ وتكەندەي، باس كونسۋلدىق، سونداي- اق «حالىقارالىق باعدارلامالار ورتالىعى» ا ق وكىلدىگى قىتايلىق ۋنيۆەرسيتەتتەرمەن ىنتىماقتاستىقتى نىعايتۋى جالعاستىرادى.
«بۇل - 3.0 جاڭعىرتۋ اياسىندا بەرگەن ق ر پرەزيدەنتىنىڭ تاپسىرمالارىنا سايكەس، ءبىزدىڭ ازاماتتارىمىزدىڭ ەكونوميكانىڭ ءتۇرلى سالالارىندا قىتايدىڭ وزىق ءبىلىم مەن پراكتيكالىق تاجىريبە الماسۋىنا جول اشادى»، - دەدى ديپلومات.
