نيۋ-يوركتە «اناعا اپارار جول» ۇزدىك كوركەم فيلم دەپ تانىلدى - فوتو

ا ق ش- تا ب ۇ ۇ جانە قىتاي كينويندۋستريا وكىلدەرىنىڭ قولداۋىمەن حالىقارالىق WeLink كينوفەستيۆالى وسىمەن ەكىنشى رەت وتكىزىلىپ وتىر. شاراعا قازاقستان جانە ا ق ش، قىتاي، وڭتۇستىك كورەيا، سۋدان، تايلاند، تايۆان، جاپونيا ەلدەرىنەن ءار ءتۇرلى جانرلاردا فيلم تۇسىرۋشىلەر باس قوستى.

قازىلار القاسى «اناعا اپارار جول» تاريحي دراماسىنا (باس پروديۋسەرى - ءاليا نازاربايەۆا، رەجيسسەرى - اقان ساتايەۆ) جوعارى باعاسىن بەردى. قازاقستاندىق ءونىم «ءومىر جەتىستىكتەرى» اتالىمىندا ەڭ جوعارى ماراپاتتى - «ۇزدىك كوركەم فيلم» ناگراداسىن جەڭىپ الدى.

نيۋ-يوركتە «اناعا اپارار جول» كينوكارتيناسىن تاماشالاعان ا ق ش- تاعى قازاقستاندىقتار كوز جاسىن جاسىرا المادى.

«اناعا اپارار جول» نيۋ-يوركتە ۇزدىك كوركەم فيلم دەپ تانىلدىايتا كەتەيىك، كارتينا بۇعان دەيىن دە الەمدى مويىنداتقان بولاتىن. يسپانيا، رەسەي، حورۆاتيا كينوفەستيۆالدارىندا جوعارى ناگرادالاردى جەڭىپ الدى، كوپتەگەن ەلدەردە سوندا تۇراتىن قازاقستاندىقتار ءۇشىن ءالى دە قويىلىپ جاتىر. كينودا انانىڭ شەكسىز مەيىرىمى، تۋعان جەرگە ادالدىق پەن سۇيىسپەنشىلىك جايلى سىر شەرتىلەدى.

WeLink- ءتىڭ ماقساتى - بۇكىل الەمدەگى كينووندىرىسشىلەردىڭ باسىن قوسىپ، بىرلەسكەن حالىقارالىق جوبالاردى ىسكە اسىرۋعا جاعداي جاساۋ.

كينوفەستيۆال «كينوماتوگرافتاعى ايەلدەر» تاقىرىبىنداعى فورۋم اياسىندا ءوتتى. وعان الەمنىڭ تۇكپىر-تۇكپىرىنەن كەلگەن 100 گە جۋىق كينوماتوگرافيستەر، سونىڭ ىشىندە بەلگىلى قىتايلىق رەجيسسەر ءارى قىتاي كينوماتوگرافيستەرى وداعىنىڭ ءتوراعاسى لي تسيانكۋان دا قاتىستى.

فورۋمعا ب ۇ ۇ ءبولىم ءتوراعاسى رامۋ داموداران باسشىلىق ەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى