قازاق تىلىندەگى كەيبىر سوزدەر جوعالىپ كەتۋى مۇمكىن
بۇل تۋرالى «كازاحستانسكايا پراۆدا» گازەتى حابارلايدى.
ونىڭ ايتۋىنشا، قازىرگى ۋاقىتتا تەرمينولوگيالىق كوميسسيا قولدانىستاعى بارلىق سوزدەردى ءبىر دەرەكقورعا جيناپ جاتىر. شاياحمەتوۆ پەن بايتۇرسىن ۇلى اتىنداعى تىلدەر ينستيتۋتى 390 مىڭ تەرمين جيناعان. ولار 4 ساناتقا بولىنگەن. ءبىرىنشىسى - قازاقتىڭ تاريحي سوزدەرى بولسا، ەكىنشى - «اۋەجاي»، «عالامتور»، «جەكەشەلەندىرۋ» سەكىلدى سوڭعى ۋاقىتتا قازاق تىلىنە اۋدارىلعان سوزدەر. ال ءۇشىنشى توپتا «ماتەماتيكا»، «حيميا»، «سەنات»، «جاھاندانۋ» سياقتى تىكەلەي قولدانىلعان سوزدەر كىرەدى. ءتورتىنشى توپتا حالىقارالىق ساۋدادا كەڭىنەن قولدانىلاتىن تەرميندەردىڭ ساناتى ەنگىزىلەدى.
«اتالعان ساناتقا اسبەست، ناركوز، ينتەرفەرەنسيا، سونداي-اق كاتەگوريا، پلاتفورما، ارگۋمەنتى، رەاكسيا سياقتى قازىرگى قولدانىستاعى نەمەسە بولاشاقتا قولدانىلۋى مۇمكىن دەگەن جۇيەلىك سوزدەر كىرەدى. ەندى سوزدەردى اينالىمعا ەنگىزۋدىڭ ورتاق قاعيداتتارى تۋرالى شەشىم قابىلداۋ كەرەك. اتاپ ايتقاندا جوعارىدا اتالعان سوزدەردى قازاق تىلىنە اۋدارۋ كەرەك پە، الدە وسى كۇيىندە قولدامامىز با سونى شەشىپ الۋ كەرەك»، - دەپ مالىمدەدى ق ر ءبىلىم جانە عىلىم مينيسترلىگىنىڭ باسشىسى«كازاحستانسكايا پراۆدا» گازەتىنە.
ءبىلىم ءمينيسترى اۋدارماداعى جالپى قاعيدالار قابىلدانعاننان كەيىن 390 مىڭ تەرميننىڭ تاعدىرى شەشىلەدى دەيدى.
«قولتىراۋىن، عالامتور، سونداي-اق پەرنە تاقتا سەكىلدى كەيبىر سوزدەر قولدانىستان شىىعىپ قالۋى مۇمكىن. بولاشاقتا جەكەشەلەندىرۋدى پريۆاتتاۋ، توڭكەرىس دەگەندى رەۆوليۋتسيا دەپ ايتساق، ەكەۋى دە دۇرىس بولماق. سوندا عانا تۇسىنىكتى سوزدىك قورى عانا ەمەس، ول ءسوزدىڭ نەلىكتەن قولدانىلاتىنى تۇسىنىكتى بولادى. ياعني، ءبىز اۋدارىلعان ءسوزدى قولدانعاندا ۇستانۋعا ءتيىس قاعيدالار ازىرلەيمىز. سەبەبى بۇل جۇمىستىڭ ءبارى لاتىن تىلىندە بولاتىندىقتان، ءسوزدىڭ ماعىناسى دا تۇبەگەيلى وزگەرەدى. قازاق ءتىلىن زەرتتەيتىن عالىمدار تاريحي ماڭىزعا يە اقپاراتتاردى تالقىلايدى. تۇسىنىكتى عىلىمي قاعيدالار ازىرلەنسە، ولار قوعاممەن تالقىلانادى»، - دەدى ەرلان ساعاديەۆ.
