نازاربايەۆ جۋرناليستكە: ەرلان، سەن بە؟ كەيىن، ۇيدە سويلەسەمىز
ول سۇراق قويعىسى كەلگەن جۋرناليستكە قالجىڭمەن جاۋاپ بەردى، دەپ حابارلايدى Stan.kz.
قىرعىزستان، وزبەكستان، تاجىكستان پرەزيدەنتتەرىمەن جانە تۇرىكمەنستان ءماجىلىسىنىڭ باسشىسىمەن كەزدەسۋدىڭ قورىتىندىلارى تۋرالى بايانداعاننان كەيىن پرەزيدەنت جۋرناليستەرگە سۇراق قويۋدى ۇسىندى.
«مىنە، مەن سىزگە ءبارىن ايتتىم. قىزىقتى سۇراقتارىڭىز بار ما؟ الدە دۇرىس ايتپادىم با؟» - دەپ كۇلدى نازاربايەۆ.
ايتا كەتەيىك، بۇل كەزدەسۋدە پرەزيدەنتكە سۇراق قويۋ قاراستىرىلماعان. جۋرناليستەر تەك ناتيجەنى تىڭداۋى ءتيىس بولعان. سوندىقتان باسپا ءسوز وكىلدەرى توسىلىپ قالدى. زالدان «جوق» دەگەن جاۋاپ ەستىلدى.
«سەن جوق دەسەڭ بولدى ما، سولاي ما؟»، - دەپ كۇلىپ پرەزيدەنت ورىندىعىنان قوزعالدى.
دەگەنمەن، «قازاقستان» ت ر ك باسشىسى ەرلان قارين «سۇراۋعا بولا ما؟»، - دەدى.
«ەرلان، سەن بە؟ كەيىن، ۇيدە سويلەسەمىز»، - دەپ جاۋاپ بەردى نازاربايەۆ.
ەسكە سالا كەتەيىك، بۇگىن استانادا قازاقستان پرەزيدەنتىنىڭ باسشىلىعىمەن ورتا ازيا ەلدەرىنىڭ باسشىلارىمەن كەزدەسۋ ءوتتى.
