الماتىدا بۋكمەكەرلىك كەڭسەنى توناعان كۇدىكتى ۇستالدى
شابۋىل جاسالعان ءسات عيمارات ىشىندەگى كامەرالاردىڭ بىرىنە جازىلىپ قالعان.
بەينەكادردا بەتپەردە كيگەن بەلگىسىز ەر ادامنىڭ وفيسكە جۇگىرىپ كىرىپ، وق اتقانى بايقالادى. وق قابىرعاعا تيگەن. قورىققان كاسسير قىز ۇستەل استىنا تىعىلىپ قالعان. قاراقشى قىزمەتكەرگە وق اتپاي، كاسساداعى بارلىق اقشانى الىپ، قاشىپ كەتكەن.
بەلگىلى بولعانداي، الماتى وبلىسىنىڭ تۋماسى بۇرىن دا وسىنداي قىلمىس ءۇشىن ءىستى بولعان.
«قاراقشىلىق شابۋىل جاسادى دەگەن كۇدىكپەن الماتى وبلىسىنىڭ تۋماسى ۇستالدى. ول بۇرىن دا وسىنداي قىلمىس جاساعانى ءۇشىن ءىستى بولعان. اتالعان دەرەك بويىنشا المالى اۋدانى ءى ءى ب سوتقا دەيىنگى تەرگەۋ ءىسى تىزىلىمىنە تىركەلدى»، - دەدى قالالىق ءى ءى د رەسمي وكىلى سالتانات ازىربەك.
