سولتۇستىك قازاقستاندا بالالار ويىنشىقتارىنان قاۋىپتى زاتتار تابىلدى

سەرىكباي قاسماقاسوۆ وڭىرلىك كوممۋنيكاتسيالار قىزمەتىنىڭ بريفينگىندە بىلتىر حالىق تۇتىناتىن 2,7 مىڭنان استام تاماق ونىمدەرى مەن تاۋارلارى تەكسەرىلگەنىن ءمالىم ەتتى. ولاردىڭ %6,6- ى تالاپقا ساي كەلمەگەن.

«سالىستىرما تالداۋ كورسەتكەندەي، تالاپقا ساي كەلمەيتىن ونىمدەردىڭ باسىم بولىگى (%67,8) يمپورتتىق ونىمدەرگە تيەسىلى»، - دەدى س. قاسماقاسوۆ

كوبىنەسە بالىق، اسپازدىق ونىمدەر، ءسۇت جانە ءسۇت ونىمدەرى، ەت تالاپقا ساي ەمەس.

بالالار ويىنشىقتارىنىڭ 132 سىناماسىنىڭ تورتتەن ءبىر بولىگى تەحنيكالىق رەگلامەنت تالاپتارىنا ساي ەمەس. ماماندار رەسەي جانە قىتاي وندىرگەن ءۇش ءتۇرلى ويىنشىقتان فورمالدەگيد پەن فەنول تاپقان.

«بىلتىر بىلتىر 770 مىڭ تەڭگەدەن استام سوماعا اكىمشىلىك قۇقىق بۇزۋشىلىق تۋرالى 23 حاتتاما تولتىرىلعان. سوت ورگاندارىنا 6 ماتەريال بەرىلىپ، 1,8 ميلليون تەڭگە سوماعا اكىمشىلىك ايىپپۇل سالۋ تۋرالى سوتتىڭ 6 ۇكىمى شىعارىلدى. ونىڭ ىشىندە، وبەكتىلەردىڭ قىزمەتىن توقتاتا تۇرۋ تۋرالى 6 شەشىم قابىلداندى. 2,5 ميلليون تەڭگەدەن استام سومادا ايىپپۇل سالىنعان»، - دەدى س. قاسماقاسوۆ

سونداي-اق، ول وڭىردە جالپى تالاپقا ساي كەلمەيتىن ونىمدەر سانىنىڭ تومەندەپ جاتقانىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى