سلوۆاكيا قازا تاپقان جۋرناليست ءۇشىن پرەمەرىن اۋىستىردى - كەسكىن
بۇدان بۇرىن تاپ وسى كۇنى جۋرناليست يان كۋتسياكتىڭ ولىمىنەن سوڭ كوتەرىلگەن نارازىلىق تولقىنىنا بايلانىستى پرەمەر-مينيستر روبەرت فيتسو وتستاۆكاعا كەتۋگە ءماجبۇر بولعان ەدى.
پرەزيدەنت كيسكا ۇكىمەتتىڭ كەڭ اۋقىمداعى قايتا قۇرىلۋى ەلدى قوعامدىق-ساياسي داعدارىستان شىعاراتىندىعىنا ءۇمىتتى.
ءبىر قىزىعى، 42 جاستاعى پەتەر پەللەگريني وتستاۆكاعا كەتكەن ۇكىمەت باسشىسىنىڭ جاقىن سەرىكتەسى، ونىڭ كەزىندە ۆيتسە-پرەمەر بولعان.
ال ودان بۇرىنىراق پەللەگريني سلوۆاكيا ءبىلىم ءمينيسترى، رەسپۋبليكالىق پارلامەنت سپيكەرى لاۋازىمىن اتقارعان ەدى.
قازا تاپقان جۋرناليست يان كۋتسياك ۇكىمەتكە جاقىن ساياساتكەرلەردىڭ يتاليالىق مافيوزدىق «ندرانگەتا» توبىمەن بايلانىستارىن زەرتتەۋمەن شۇعىلدانعان بولاتىن.
