پۋتين ش ى ۇ سامميتىن چەليابىدە وتكىزۋ تۋرالى جارلىققا قول قويدى
«قازىر عانا جارلىققا قول قويدىم. چەليابىدە مەنەن قوعامدىق ۇيىمداردىڭ وكىلدەرى مەن جەتەكشىلەرى ش ى ۇ كەزەكتى سامميتىن وتكىزۋدى سۇرادى. مىنە قازىر عانا جارلىققا قول قويدىم»، - دەدى ر ف باسشىسى «رەسەي- مۇمكىندىكتەر ەلى» فورۋمىنا قاتىسۋشىلارمەن جۇزدەسۋى بارىسىندا.
ناۋرىزدىڭ باسىندا ۇيىمداستىرىلعان جالپى رەسەيلىك حالىق مايدانىنىڭ «شىندىق جانە ادىلدىك» اتتى مەديافورۋمى بارىسىندا رەسەي كوشباسشىسى ش ى ۇ سامميتىن چەليابىدە وتكىزۋ مۇمكىندىگىن جوققا شىعارماعان بولاتىن.
ايتا كەتكەن ءجون، اعىمداعى جىلى شاڭحاي ىنتىماقتاستىق ۇيىمىنا مۇشە مەملەكەت باسشىلارى كەڭەسىنىڭ وتىرىسى ماۋسىمدا قىتاي حالىق رەسپۋبليكاسىندا بولادى. ال ۇيىمعا ءتوراعالىق قىتايعا وتەدى.
