ق ر پرەزيدەنتى: ءبىز قۇلپىنايدى كورشىمىزدەن ەمەس يزرايلدەن تاسىپ وتىرمىز
«ەڭ باستى نازاردى ساۋدا- ەكونوميكالىق ىنتىماقتاستىققا اۋداردىق. ءبىزدىڭ ءوڭىر وتە قارقىندى دامىپ كەلەدى جانە ءبىز الەمدە بار ترەندتەرگە قاراي وتىرىپ، ەلدەردى يندۋستريالاندىرۋ، سيفرلاندىرۋ بويىنشا جۇمىس ىستەۋىمىز جانە تەحنولوگيالىق دامۋدان قالىپ قويماۋىمىز كەرەك. ب ۇ ۇ مالىمەتىنشە، سوڭعى 10 جىلدا ءبىزدىڭ ەلدەرىمىزدىڭ ورتاشا ج ءىء و ءوسىمى 6,2 پايىز بولسا، بۇكىل الەم 2,6 پايىز قارقىنمەن دامىدى. بۇل اتالعان مەملەكەتتەر بىرگە ورتاشا الەمدىك كورسەتكىشتەن ەكى ەسەدەن استام قارقىنمەن دامىدى دەگەن ءسوز. تاۋار اينالىمىنىڭ دا كۇرت ءوسىمى بايقالادى»، - دەدى نۇرسۇلتان نازاربايەۆ.
مەملەكەت باسشىسىنىڭ اتاپ وتۋىنشە، ورتالىق ازيا ەلدەرىنىڭ ءوزارا تاۋار اينالىمى 10 جىلدىڭ ىشىندە 2 ەسە ءوسىپ، 1,6 ميلليارد دوللاردان 3,1 ميلليارد دوللارعا جەتىپ وتىر. بۇل ءوڭىر تۇرعىندارىنىڭ ءال- اۋقاتىن جاقسارتۋعا سەپتىگىن تيگىزۋدە.
«ءبىز كەلەسى شارالاردى قاراستىردىق. بىرىنشىدەن، ەلدەر اراسىنداعى ءوزارا ساۋدا تاۋارلارىنىڭ نومەنكلاتۋراسىن كەڭەيتۋ قاجەت. ستاتيستيكاعا قاراساق، ماسەلەن، قازاقستان كورشىلەردە بار تاۋارلاردى باسقا جاقتان تاسىپ وتىر. ال ولار، ماسەلەن تاجىكستان گ ە س سالۋعا قاجەتتى مەتاللدى باسقا جاقتان الادى. بىزدە، قاراعاندى مەتاللۋرگيا كومبيناتىندا سول ارماتۋرا قانشا كەرەك بولسا، سونشا شىعارا الادى، ال ولار ەۋروپادان تاسۋدا»، - دەدى ەلباسى.
قازاقستان پرەزيدەنتى جەمىس- جيدەك پەن كوكونىستى كورشى ەلدەردەن الۋعا بولاتىنىن اتاپ ءوتتى.
«ال ءبىز بولساق، قۇلپىنايدى يزرايلدەن تاسىپ وتىرمىز. بۇل قاراپايىم ماسەلە ەمەس، وسى ساۋدانىڭ باسىندا وتىرعان شەنەۋنىكتەرىمىزدى وزگەرتۋىمىز قاجەت. ولارعا وزدەرىنە بەلگىلى دوستارىمەن قاسىندا تۇرعاندى العاننان گورى باسقا جاقتان اكەلگەن ءتيىمدى بولىپ وتىر. ءبىز بۇل جايىندا سويلەستىك»، - دەدى نۇرسۇلتان نازاربايەۆ.
ايتا كەتەيىك، اقوردادا وتكەن كەڭەسكە قازاقستان پرەزيدەنتى نۇرسۇلتان نازاربايەۆ، قىرعىز رەسپۋبليكاسىنىڭ پرەزيدەنتى سوورونباي جەيەنبەكوۆ، تاجىكستان رەسپۋبليكاسىنىڭ پرەزيدەنتى ەمومالي راحمون، وزبەكستان رەسپۋبليكاسىنىڭ پرەزيدەنتى شاۆكات ميرزيەۆ جانە تۇرىكمەنستان مەدجليس ءتورايىمى ا. ت. نۋربەردىيەۆا حانىم قاتىستى.
اۆتور: مارلان جيەمباي
