تەمەكى ەستۋ قابىلەتىن ناشارلاتادى
بۇكىل الەمدىك دەنساۋلىق ساقتاۋ ۇيىمىنىڭ ستاتيستيكاسى بويىنشا، بۇگىندە جەر بەتىندە شامامەن 1,1 ميلليارد ادام شىلىم شەگەدى. بريتان دارىگەرلەرىنىڭ سوڭعى زەرتتەۋلەرىنە سۇيەنسەك، تەمەكى شەگۋشىلەردىڭ شامامەن %60 ى ەرتە قايتىس بولعان. ء«بىز ەستۋ قابىلەتىنىڭ ناشارلاۋىن ودان ءارى بولدىرماۋ ءۇشىن تەمەكى شەگۋ ىندەتىنە قارسى تۇرۋىمىز كەرەك» ، - دەدى توكيوداعى الەمدىك دەنساۋلىق ساقتاۋ جانە مەديتسينا ۇلتتىق ورتالىعىنىڭ قىزمەتكەرى حۋ حۋانحۋان.
حۋانحۋان مەن ونىڭ ارىپتەستەرى شىلىم شەگۋدىڭ تاعى ءبىر تەرىس سالدارىن جاپونياداعى 50 مىڭعا جۋىق ادامنىڭ دەنساۋلىعىن باقىلاعان J- ECOH مونيتورينگىنىڭ دەرەكتەرى بويىنشا انىقتادى. جوباعا 2008 -جىلدان 2016 -جىلعا دەيىن ەلدىڭ 12 ءىرى كورپوراتسياسىنىڭ قىزمەتكەرلەرى تارتىلعان. زەرتتەۋ اۆتورلارى ونەركاسىپتىك زاۋىتتاردا جانە باسقا دا قاۋىپتى وبەكتىلەردە جۇمىس ىستەۋ ادامداردىڭ دەنساۋلىعىنا، ونىڭ ىشىندە ەستۋ قابىلەتىنە قالاي اسەر ەتەتىنىن تۇسىنۋگە تىرىستى. ناتيجەسىندە شىلىم شەگۋگە دەگەن تاۋەلدىلىگى بارلاردى تەمەكى شەكپەيتىندەرمەن سالىستىرعاندا، ولاردىڭ ورتاشا ەسەپپەن 1,6 ەسە ەستۋ قابىلەتتەرىن ناشارلاتىپ نەمەسە تولىقتاي جوعالتقاندارى انىقتالدى. شىلىم شەگۋدىڭ بۇل زياندى اسەرى شىلىم شەگۋدەن باس تارتۋعا تىرىسىپ جۇرگەن ادامدار ءۇشىن تاعى ءبىر ىنتالاندىرۋ دەپ ساناۋعا بولادى.
baq.kz
