قاسيەتتى تاۋدا تەلەفونمەن ويناعان جىگىت قۇزدان قۇلاپ مەرت بولدى
20 جاستاعى جىگىت تسزيۋحۋا تاۋىنداعى بۋدديستەر عيباداتحاناسىنىڭ سىرتىنداعى ورىندىقتا دەمالماقشى بولعان.
بۇل تۋرالى Mirror حابارلادى، دەپ جازادى Stan.kz اقپاراتتىق اگەنتتىگى.
ۇيالى تەلەفونىنا سونشا ۇڭىلگەن جىگىت، ورىندىقتىڭ ارقا تىرەۋىشىنە جانتايعىسى كەلگەن. الايدا، ول عيباداتحانا سىرتىندا ورنالاسقان ورىندىقتىڭ ارقا تىرەۋىشسىز ەكەنىنە ءمان بەرمەگەن. تاۋداعى ورىندىقتىڭ قانداي ەكەنىنە نازار اۋدارماعان تۋريست، اقىرى جەتى مەتردەن استام بيىكتىكتەن قۇلاپ، مەرت بولدى.
جىگىتتىڭ قاسيەتتى تاۋدان ابايسىزدا قۇلاعان ءساتى سول جەردەگى باقىلاۋ كامەراسىنا ءتۇسىپ قالعان.
جاس جىگىت قىتايدىڭ قاسيەتتى تاۋىندا ورنالاسقان عيباداتحاناعا اكەسىمەن كەلگەن ەكەن. ولار دۇعا ەتۋ ءۇشىن باسپالداقپەن كوتەرىلگەن، الايدا ازداپ دەمالعىسى كەلگەن جىگىت قۇزدان قۇلاپ ءولدى.
