عالىمدار: جەر پلانەتاسىنا جاھاندىق جويىلىپ كەتۋ قاۋپى ءتونىپ تۇر

 زەرتتەۋ ناتيجەسىنە سۇيەنسەك، پلانەتانىڭ تەمپەراتۋراسى ەندى 2 گرادۋسقا جوعارىلايتىن بولسا، كوپتەگەن وسىمدىك تۇرلەرى جويىلادى. بۇل تۋرالى Stan.kz اقپاراتتىق اگەنتتىگى حابارلايدى.

كليمات وزگەرۋىنىڭ زالالى مۇنىمەن بىتپەيدى. ەگەر جەر تەمپەراتۋراسى ءۇش نە ودان دا كوپ گرادۋسقا جوعارىلاسا، بارلىق وسىمدىكتەردىڭ جارتىسىنان كوبى جويىلىپ كەتۋ قاۋپى بار.

جۇمساق كليماتتى ەلدەردەگى قالىڭ ورماندار مۇلدەم جوق بولىپ كەتۋى مۇمكىن. وڭتۇستىك امەريكا، اۋستراليا، وڭتۇستىك- شىعىس ازيا ەلدەرى بارلىق ورمان رەسۋرستارىنان بىرنەشە ونجىلدىقتا كوزدەن عايىپ بولۋى عاجاپ ەمەس.

ال 2100 -جىلعا قاراي تىرشىلىك ورىندارىنىڭ جويىلۋى سالدارىنان - جاندىكتەردەن باستاپ، باۋىرىمەن جورعالاۋشىلار مەن قوسمەكەندىلەر جوعالىپ كەتۋى مۇمكىن.

شىعىس ازيا كليماتولوگيا ۋنيۆەرسيتەتى عالىمدارىنىڭ پىكىرىنشە، ونى الدىن الۋدىڭ ءبىر عانا جولى - اتموسفەراعا زياندى زاتتاردى تاستاۋدى شەكتەپ، باقىلانبايتىن ءوندىرىس ورىندارىن قۇرۋدى توقتاتۋ.

عالىمدار ەسكەرتەدى: ەگەر بۇكىل الەم جۇمىلىپ، ءبىر شەشىمگە كەلمەسە، از ۋاقىتتىڭ ىشىندە وسىمدىكتەر مەن جانۋارلاردىڭ 40 مىڭ ءتۇرى جويىلىپ، ونىڭ كەسىرى ادامدارعا دا تيەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى