بىرەۋدىڭ ەسەبىنەن ءومىر سۇرەتىندەر قانداي بولادى؟
ويتكەنى، ءومىر ەڭبەكقورلاردى سۇيەدى. ال ەڭبەكتى سۇيمەي، وزگەنىڭ ەسەبىمەن كۇن كورىپ جۇرگەن اياق- قولى ساۋ ەر ازاماتتاردى وزگەلەردەن قالاي اجىراتۋعا بولاتىنىن ءسىز بىلەسىز بە؟ بىلمەسەڭىز، مۇنداي ءتيپتى ادامداردى بىرگە تانيىق. بىرەۋدىڭ ەسەبىنەن كۇن كەشەتىندەردى قازاق «ارامتاماق» نەمەسە «جاتىپىشەر» دەپ ايتىپ جاتادى. سونىمەن، وزگەنىڭ ەسەبىمەن كۇن كەشەتىندەر قانداي بولادى؟
ولار «ەڭبەكتىڭ نانى ءتاتتى» دەگەن ماقالدى تۇسىنبەيدى. تۇسىنگىسى دە كەلمەيدى.
ولار وزگەنىڭ تەرلەپ-تەپشىپ تاپقان ءناپاقاسىنا ورتاقتاسۋدان ۇيالمايدى. ويتكەنى، ول ءۇشىن مۇنىڭ اعاتتىعى جوق.
ولار وتباسىن قۇرۋعا اسىقپايدى. قۇرعان كۇندە دە ايەلىنىڭ اقشا تاۋىپ، ءوزىنىڭ ۇيدە قولىنا پۋلت ۇستاپ جاتۋىن ارماندايدى.
ولار بىرەۋدىڭ توڭازىتقىشىن اشىپ، كەز كەلگەن ۋاقىتتا قالاعان تاماعىن جەۋگە، «بۇگىن قانداي تاماق؟» دەپ قازاننىڭ بەتىن اشىپ قاراپ جۇرگەندى ار سانامايدى.
ولار وزگەنىڭ زاتىن ءوزىنىڭ زاتىنداي كورەدى. ولار ءۇشىن جەكە زاتتارعا شەكارا جوقتاي كورىنەدى.
ولار ءوز قالتالارىندا قاراجاتى بولعان كۇننىڭ وزىندە جوق ادامنىڭ كەيپىن كەلتىرىپ وتىرا بەرەدى.
ولار وزگەنىڭ جاساعان جاقسىلىعىن كەز كەلگەن ۋاقىتتا ۇمىتىپ كەتە الادى. بىرەۋدىڭ ەسەبىمەن ءومىر ءسۇرىپ جۇرگەنى وزىنە بىلىنبەيدى.
ولار كەيدە جاعىمپاز بولىپ كەتەدى. ال كەيدە تاكاپپارلىق تانىتىپ تا جاتادى.
ولار قولىنا اقشا تۇسكەن جاعدايدا جوعالىپ كەتەدى دە، ءبارىن جاراتىپ بولعان سوڭ عانا پايدا بولادى.
ولار بولاشاعىن ويلاپ قام جەمەيدى. بۇگىنىن عانا ويلايتىن مۇنداي ادامداردىڭ ۋايىم- قايعىسى كوپ بولمايدى.
دەرەككوزى: https://vk.com
