جەرىمدى تەگىن بەرەم دەگەن قازاق جىگىتى ونى كىمگە تابىستاعانىن ايتتى
جانە نە سەبەپتى ول كىسىنە تاڭداعانىن ايتىپ ءوتتى.
«8 سوتوك جەرىمدى ەرجان دەگەن اعاعا تابىستادىم. بۇل كىسىنى تاڭداعان سەبەبىم كوپ. ايگۇل جەڭگەمىزبەن وتاسقان سوڭ، جەڭگەمىزدىڭ اناسى قايتىس بولعان، سوسىن اكەلەرى قايتىس بولعان. وتباسىندا 10 قىز جەتىم قالعان.
ەرجان اعا سول 10 قىزعا وسى ۋاقىتقا دەيىن اكە ورنىنا اكە بولىپ، وقۋعا ءتۇسىرىپ، تاربيەلەپ، 5 قىزدى ۇزاتقان. قازىر 5 قىزدى وقىتىپ وتىر. ءوزىنىڭ 4 بالاسى بار. بۇگىن جۇمىس كۇنى بولعاندىقتان جەڭگەمىز، وقۋداعى قىزدارى مەن بالالارىنىڭ ءبىرازى كەلە المادى. بۇل كىسىگە قاتتى ريزا بولدىم، قازىر ءبىر ايەلىن باعا المايتىندار بار، ال بۇل كىسى 10 جەتىم بالانى قامقورلىعىنا الىپ، ءوزىنىڭ بالالارىنداي قاراپ ءجۇر. پاتەر جالداپ تۇرىپ ابدەن قاجىعان، اقشاسى جينالمايدى. قاي جەردە بولماسىن بۇنداي وتباسىعا پاتەر جالداۋ وڭاي ەمەس ەكەنىن بىلەسىزدەر عوي. كەشە جەردى اپارىپ كورسەتتىم، ۇناتتى. جەرىمدى سىزگە بەرەمىن دەگەن سوڭ قۋانىشتان تۇنىمەن ۇيىقتامادىم دەيدى اعامىز»، - دەپ جازادى ابزال مولدابەك.
بۇعان دەيىن ول ءبىر قازاققا جەرىن تەگىن بەرەتىنىن ايتىپ، حابارلاندىرۋ جاريالاعان ەدى.
جىگەرلەنىپ، قۋانىپ ءجۇر.
ول وزىنەن كومەك سۇراپ جازعان حات ءماتىنىن جاريالادى.
«مەنىڭ تۋعان اعام بار ەسىمى ەرجان. 1975 -جىلى تۋعان. كەزىندە تالاي قىزمەتتەردە ىستەدى. الماتىدا اكيماتتىن قاراماعىنداعى ءتارتىپ دەگەن مەكەمەدە ءبىرىنشى ورىنباسار بولدى. ال جەڭگەمىزدىڭ وتباسىندا 11 قىز ەدى. ول كىسىنىن اكە-شەشەسى قايتىس بولىپ، شيەتتەي بالا-شاعا قاراۋسىز قالىپ كەتتى. (جامبىل وبلىسى، مويىنقۇم اۋدانىندا). سونىمەن اعام الماتىداعى قىزمەتىن تاستاپ، تاۋەكەلگە بەل بۋىپ، قالعان 10 قىزدى اسىراپ الدى دا، سول اۋىلعا كوشىپ كەتتى.
ويتكەنى 10 قىزدى الماتىعا اكەلىپ ءومىر ءسۇرۋ قيىن ەكەنىن ءبىلدى. قاتتى قينالدى. قىزارىنىڭ باسىم بولىگىن ۇزاتتى. ءبىرازى ءالى دە ستۋدەنت. ءوزىنىڭ 4 بالاسى بار. ءالى كىشكەنتاي. بالالارىمەن بىرگە پاتەردە تۇرادى. قازىر جۇمىسقا قايتا تۇرا المايدى. كەزىندە جۇمىس ىستەگەنىمەن، قازىر تاكسيست بولىپ ءناپاقاسىن تاۋىپ ءجۇر.
نە دەگەنمەن باۋىرىم عوي، سول كىسىگە كومەكتەسكىم كەلەدى. بيىل جازدا ءبىر دوسىم جاڭا ۇيىنە كىرەدى. قازىر تۇرىپ جاتقان ءۇيىن بۇزادى. ءۇيىنىڭ شاتىرى مەن تەرەزەلەرى جاڭا، سولاردى ساعان بەرەمىن دەپ ايتقان»، - دەپ جازىلعان حاتتا.
