ق ح ر ۆيتسە-پرەمەرى ەلدەگى جوعارعى كەڭەسشى ورگاننىڭ باسشىسى بولىپ سايلاندى
بەيجىڭ. قازاقپارات - ق ح ر كوممۋنيستىك پارتياسى ورتالىق كوميتەتىنىڭ ساياسي بيۋرو مۇشەسى ۆان يان 13-شاقىرىلىمداعى قىتايدىڭ حالىقتىق ساياسي كونسۋلتاتيۆتىك كەڭەسى بۇكىل قىتايلىق كوميتەتىنىڭ (ق ح س ك ك ب ك) ءتوراعاسى بولىپ سايلاندى، دەپ حابارلايدى «قازاقپارات» ح ا ا مەنشىكتى ءتىلشىسى بەيجىڭنەن.
ق ح س ك ك 1-سەسسياسىنىڭ 4-پلەنارلىق وتىرىسىنا قاتىسىپ وتىرعان 2144 دەلەگات ءبىراۋىزدان ونىڭ كانديداتتىعىنا داۋىس بەردى.
ۆان يان قىتايدىڭ حالىقتىق ساياسي كونسۋلتاتيۆتىك كەڭەسى بۇكىل قىتايلىق كوميتەتىنىڭ ءتوراعاسى بولىپ سايلانعانعا دەيىن ق ح ر مەملەكەتتىك كەڭەسىنىڭ ۆيتسە-پرەمەرى قىزمەتىن اتقارعان.
ايتا كەتەيىك، ق ح س ك ك - ق ح ر بيلىگى جۇيەسىندەگى كەڭەسشى ورگان.