ورداباسى فۋتبول كلۋبىنىڭ بۇرىنعى فۋتبولشىسى اكىمدەردى الداپ كەتتى

بۇل تۋرالى قىلمىستىق ءىستى قاراپ جاتقان سۋديا ءسابيت تورەحانوۆ ايتتى دەپ حابارلايدى قازاقپارات ءتىلشىسى.

سوت وتىرىسىندا بەلگىلى بولعانداي، «ورداباسىنىڭ» بۇرىنعى ويىنشىسى ءوزىن وبلىستىق اكىمدىكتىڭ قىزمەتكەرىمىن دەپ تانىستىرىپ، اۋدان اكىمدەرى مەن مەملەكەتتىك جانە كوممەرتسيالىق ۇيىمداردىڭ باسشىلارىنان 500 مىڭنان 1,5 ميلليون تەڭگەگە دەيىن اقشا العان. سوتقا قاتىسقان جابىرلەنۋشىلەر بۇل اقشالاردى قايىرىمدىلىققا دەپ سۇراعان سوڭ بەرگەندەرىن ايتتى. ەڭ كوپ قاراجاتتى ياعني، 1,5 ميلليون تەڭگەنى «ورداباسى» فۋتبول كومانداسىنىڭ پرەزيدەنتى بەرگەن بولىپ شىقتى.

وسىلايشا «ورداباسىنىڭ» بۇرىنعى جارتىلاي قورعاۋشىسى 12 قىلمىستىق وقيعا بويىنشا 11 جابىرلەنۋشىنى الداپ سوققانى انىقتالىپ وتىر. سوت وتىرىسى كەزىندە سۋديا ايىپتالۋشىعا الداعى ەكى اپتانىڭ ىشىندە جابىرلەنۋشىلەردىڭ بارىنە اقشالارىن قايتارىپ بەرۋدى تالاپ ەتتى.

سۋديا ءسابيت تورەحانوۆتىڭ سوزىنشە، ايىپتالۋشىعا قاتىستى سوت ۇكىمى وسى ايدىڭ سوڭىنا تامان شىعۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى