دۋالدى وقىتۋ: تالىمگەرلەرگە اقى تولەنەدى

«وزەكتى تاقىرىپتاردىڭ ءبىرى تالىمگەرلەرگە اقى تولەۋ ماسەلەسى ەدى. بيزنەس- سەرىكتەستەرىمىز وسى ماسەلەنى ايتىپ كەلەدى، سەبەبى ولاردىڭ بارلىعى وندىرىستە ستۋدەنتتەرگە جەتەكشىلىك ەتەتىن ارنايى ماماندى تاعايىنداي المايدى. (...) قازىر جان باسىنا قارجىلاندىرۋ ادىستەمەسى اياسىندا بۇل جوبا ءۇش وڭىرگە پيلوتتىق رەجيمدە ەنگىزىلەدى. ولار - پاۆلودار، الماتى جانە قاراعاندى وبلىستارى»، - دەدى ق ر ءبىلىم جانە عىلىم ۆيتسە-ءمينيسترى اسحات ايماعامبەتوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

تالىمگەرلەرگە ايىنا شامامەن 64 مىڭ تەڭگە تولەنەدى دەپ جوسپارلانىپ وتىر. ودان بولەك، تالىمگەرلەر بالامەن جۇمىس ىستەۋ داعدىلارىن ۇيرەنەتىن بولادى.

ۆيتسە-ءمينيستردىڭ ايتۋىنشا، بيزنەس وقۋ باعدارلامالارىن قالىپتاستىرۋ جانە وزگەرتۋگە قىزىعۋشىلىق تانىتۋدا جانە بەلسەندى قاتىسىپ جاتىر. وسىلايشا، تۇلەكتەر نارىققا قاجەتتى ماشىقتاردى ۇيرەنىپ شىعادى.

ب ع م كەلتىرگەن مالىمەتتەرگە سايكەس، بۇگىندە كوللەدجدەردىڭ %56 ى مامانداردى دۋالدى وقىتۋ تەحنولوگياسى بويىنشا ازىرلەۋدە، بيزنەستەگى ارىپتەستەرمەن 10 مىڭنان استام كەلىسىمشارت بەكىتىلگەن.

دۋالدى تەحنولوگيا بويىنشا ءبىلىم الىپ جاتقان 2 مىڭنان استام ستۋدەنت كاسىپورىندار نەگىزىندە وندىرىستىك تاجىريبەدەن ءوتىپ، ەڭبەكاقى الىپ ءجۇر. ەڭبەكاقى كولەمى 16-20 مىڭ تەڭگەدەن باستالادى جانە 100 مىڭ تەڭگەگە دەيىن جەتەدى. تاجىريبە ستۋدەنتتىڭ ەڭبەك ءوتىلى رەتىندە ەسەپتەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى