ءبىزدىڭ حالقىمىز اڭقاۋ - ىشكى ىستەر ءمينيسترى

ءمينيستردىڭ ايتۋىنشا، بۇگىندە قارجى پيراميدالارىنا قاتىساتىن قازاقستاندىقتار بيزنەسپەن اينالىسىپ ءجۇرمىز دەپ ويلايدى.

«مىسالى، مەن اقشا سالامىن دا، تاعى بەس ادامدى الىپ كەلۋىم كەرەك. سول ءۇشىن بونۋس الامىن. بەس ادامدى كوندىرىپ كىرگىزەمىن دە، جوعارىدا تۇرعانداردان ءاربىر ادام ءۇشىن اقشا الامىن. وسىلايشا، قارجى پيراميداسى قۇرىلادى. شىنى كەرەك، ءبىزدىڭ حالقىمىز اڭقاۋ، بيزنەسپەن اينالىسامىز دەپ ويلايدى. ءبىراق، شىن مانىندە، بىرەۋگە الدانىپ جۇرەدى»، - دەدى ق. قاسىموۆ جۋرناليستەرگە بەرگەن سۇحباتىندا.

مينيستر قارجى پيراميدالارىنا قاتىستى قىلمىستىق ىستەردىڭ قالايشا تەرگەلەتىنىن دە ايتىپ بەردى.

«نەگىزى، قارجى پيراميدالارىنىڭ باسى دا، اياعى دا بىزدە ەمەس. سوندىقتان ءاربىر ەلدىڭ قۇقىق قورعاۋ ورگاندارى بولەك- بولەك جۇمىس ىستەسە دە، قارجى پيراميدالارى بويىنشا اقپارات الماسىپ تۇرادى. ول ءۇشىن ارنايى حالىقارالىق كەلىسىمدەر بار. ءبىز ولارعا جازامىز، ولار بىزگە جازادى. ءسويتىپ، رەسەيدە دە، بەلارۋستا دا تەرگەۋ شارالارى اتقارىلادى. قۇقىق قورعاۋشىلار ءبارىن تىرنەكتەپ جيناپ، قارجى پيراميداسىن تولىعىمەن جينايدى. سوندىقتان ءبىز ءاربىر ازاماتتىڭ ارىزىن بولەك قاراستىرا المايمىز»، - دەپ اتاپ كورسەتتى ق. قاسىموۆ.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى