مينيستر قاسىمبەك: «نۇرلى جەر» باعدارلاماسىنا وزگەرىستەر ەنگىزىلەدى

ءمينيستردىڭ ايتۋىنشا، «7-20-25» باعدارلاماسىن ىسكە اسىرۋعا بايلانىستى تۇرعىن ءۇي جيناق جۇيەسىنە وزگەرىس ەنگىزۋگە تۋرا كەلەدى.

«ۇلتتىق بانك ازىرلەگەن مەحانيزمدەردى ەسەپكە الا وتىرىپ، ءساۋىر ايىندا «نۇرلى جەر» باعدارلاماسىنا وزگەرىستەردى ەنگىزەمىز. اتالعان وزگەرىستەر «7-20-25» باعدارلاماسىنىڭ نورمالارىن ءتيىمدى ىسكە اسىرۋعا ىقپال ەتەتىن بولادى. اتاپ ايتقاندا، تۇرعىن ءۇي قۇرىلىسىنىڭ كولەمىن ۇلعايتۋ نورمالارى مەن تۇرعىن ءۇي قۇرىلىس جيناق بانكىنىڭ زاەمدارىن بەرۋ تالاپتارى قايتا قارالادى»، - دەدى ج. قاسىمبەك ۇكىمەتتىڭ بۇگىنگى وتىرىسىندا.

بۇدان بولەك، قۇرىلىس الاڭدارىنا ينجەنەرلىك-كوممۋنيكاتسيالىق جەلىلەردى تارتۋعا جىل سايىن بولىنەتىن قارجىنى 80 ميلليارد تەڭگەدەن 100 ميلليارد تەڭگەگە دەيىن ارتتىرۋ جوسپارلانعان.

ايتا كەتەيىك، وتىرىستا ۇلتتىق بانكتىڭ ءتوراعاسى دانيار اقىشەۆ «7-20-25» باعدارلاماسىنىڭ جوباسىن تانىستىردى. باس بانكير 7 پروتسەنتتىك يپوتەكانىڭ باستى تالابىن دا جاريالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى