عالىمدار ەر ادامداردى بەلسىزدىككە الىپ كەلەتىن دارىلەردى اتادى
بۋەنوس- ايرەستەگى بيولوگيا جانە تاجىريبەلىك مەديتسينا ينستيتۋتىنىڭ عالىمدارى وسىنداي تۇجىرىم جاسادى.
زەرتتەۋ Reproduction جۋرنالىندا جاريالاندى.
زەرتتەۋ بارىسىندا بيولوگتار سوڭعى 40 جىل بويى گيستامينگە قارسى ءدارى-دارمەكتەردىڭ جانۋارلارعا اسەرى زەرتتەلگەن ەڭبەكتەردى تالداعان. عالىمداردىڭ ايتۋىنشا، گيستاميننىڭ بەلسەندىلىگىن ۇزاق ۋاقىت بويى شەكتەۋ تەستوستەرون بولىنۋىنە كەرى اسەر ەتەدى.
عالىمدار بۇل قۇبىلىستىڭ اتالىق ۇرىقتاردىڭ ءپىشىنىڭ وزگەرىپ، ولاردىڭ بەلسەندىگى مەن سانىنىڭ تومەندەۋىنە الىپ كەلۋى مۇمكىن ەكەنىن ايتتى.
زەرتتەۋشىلەردىڭ سوزىنشە، ەركەكتىك قۋاتتىڭ تومەندەۋى مەن گيستامينگە قارسى ءدارى- دارمەكتەر اراسىنداعى بايلانىستى انىقتاۋ ءۇشىن ادامدارعا كولەمدى زەرتتەۋ جۇرگىزىلۋى ءتيىس. دەسە دە بيولوگتار اتالعان ءدارى- دارمەكتەردى شەكتەن تىس كوپ قابىلداماۋعا كەڭەس بەردى.
Stan.kz
