سۋ تاسقىنى: دانيال احمەتوۆ وسكەمەن قالاسىنىڭ اكىمىن قاتاڭ سىنعا الدى
«جۇمىستى ىستەي المايسىڭدار نەمەسە ىستەگىلەرىڭ كەلمەيدى. مەن باسقا سەبەپ كورىپ تۇرعان جوقپىن. ءتورت ءۇيدى سۋ باسىپ قالدى، ول جەرلەردى دە ۋاقىتىندا قۇرعاتا المادىڭدار. بۇل قالا اكىمى مەن ت ج باسقارماسىنىڭ جۇمىسىنىڭ ۇلكەن كەمشىلىگى»، دەدى د. احمەتوۆ.
تۇرعىندارمەن كەزدەسكەن وبلىس باسشىسى بۇل «كەمشىلىككە» قاتىسى بار باسشىلاردىڭ بارلىعى لايىقتى جازالارىن الاتىنىن ايتتى.
قالانىڭ سول جاعالاۋ بولىگىندەگى ساتپايەۆ داڭعىلىندا پايدا بولعان قاردىڭ سۋىنان كولىك قوزعالىسى توقتاپ قالعان بولاتىن. ايماق باسشىسى قوزعالىستى جەدەل قالپىنا كەلتىرۋ تۋرالى تاپسىرما بەردى.
