ەلوردا ەمحانالارىندا ەمدەلۋشىلەردىڭ ەلەكتروندى كارتاسى ەنگىزىلەدى
بۇل تۋرالى كەشە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ استانا قالالىق دەپارتامەنتى ديرەكتورىنىڭ ورىنباسارى جازيرا جىلقىشيەۆا ايتتى، دەپ حابارلايدى قازاقپارات.
«ءبىز ەلوردانىڭ بارلىق ەمحانالارىندا بولىپ، نەگىزگى ماسەلەلەردى زەردەلەدىك. سونىمەن قاتار، ولارعا شەتەلدىك جانە رەسەيلىك ەمحانالارعا قولدانىلاتىن ەڭ ۇزدىك تاجىريبەلەردى تانىستىردىق. قازىرگى ۋاقىتتا ەمحانالاردىڭ باس دارىگەرلەرى مەن دەنساۋلىق ساقتاۋ باسقارماسى بۇل ماسەلەمەن، ياعني ەلەكتروندى كەزەكتى قۇرۋ، پاسيەنتتەردىڭ ەلەكتروندى كارتاسىن ەنگىزۋ جانە ناۆيگاتسيالىق ماسەلەلەر بويىنشا جۇمىس ىستەپ جاتىر»، - دەدى ول ەلوردا اكىمدىگىندە وتكەن سەمينار اياسىندا ب ا ق وكىلدەرىنە بەرگەن سۇحباتىندا.
سۇحبات بارىسىندا ول ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى مەن استانا قالاسى اكىمدىگىنىڭ بىرلەسكەن «استانا ادالدىق الاڭى» جوباسىنىڭ بيىلعى جىلدىڭ 7 -اقپانىنان باستاپ ىسكە اسىرىلىپ جاتقانىن ايتتى. جوبا ماقساتى - قالانى قولايلى ورتاعا اينالدىرۋ، اكىمشىلىك كەدەرگىلەردى جويۋ، ناقتى ايتقاندا تۇرمىستىق جەمقورلىقتى بولدىرماۋ.
ايتا كەتەيىك، سەميناردى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى استانا قالاسى اكىمدىگىمەن بىرلەسىپ، مەملەكەتتىك قىزمەتشىلەردىڭ ادەپ دەڭگەيىن كوتەرۋ، كورسەتىلەتىن مەملەكەتتىك قىزمەتتەردىڭ ساپاسىن ارتتىرۋ ماقساتىندا پىكىرتالاس تۇرىندە وتكىزگەن بولاتىن.
