ءبىر تاۋلىكتە تۇماۋدان ارىلۋدىڭ جولى

كوكتەمنىڭ باسى تالداردىڭ بۇرشىك اتىپ، تابيعاتتىڭ ويانۋىنان باستالادى دەسەڭىز قاتەلەسەسىز. كوكتەم جەڭىلسە دە مايدان دالاسىن تاستاپ كەتۋگە قيماعان قارت باتىر مەن جەڭىسكە ءبىر قادام قالعانىنا كوزى جەتىپ تۇرىپ، قايتا- قايتا ۇرىس دالاسىندا اتوي سالعان جاس باتىردىڭ اراسىنداعى قويان- قولتىق ۇرىسقا ۇقسايدى. ياعني، بىردە قار جاۋىپ، بىردە جاڭبىر تاعى بىردە كۇن شەكتەن تىس ىسىپ ادامداردى ابىگەرگە تۇسىرەدى. مامانداردىڭ ايتۋىنشا، ءدال وسىنداي اۋا- رايىندا يممۋنيتەتى تومەن ادامدار تەز تۇماۋعا شالدىعادى.

ستاتيستيكاعا سەنسەك ادامداردىڭ جاپپاي تۇماۋراتاتىن ۋاقىتى، تۇماۋ ۆيرۋسىنىڭ ءورشيتىن قولايلى مەزگىلى كۇزدىڭ سوڭى مەن كوكتەمنىڭ باسى ەكەن. ءبىراق، ەندى الاڭداۋىڭىز ورىنسىز. جاقىندا عانا عالىمدار تۇماۋدان ءاپ- ساتتە قۇتىلاتىن پرەپارات ويلاپ تاپتى. تاجىريبە بارىسىندا ShionogiCo كومپانياسى پرەپاراتى باسقا تۇماۋعا قارسى دارىلەرگە قاراعاندا تەز اسەر ەتەتىنى دالەلدەندى. باسقا دارىلەردى ءسىز كۇنىنە 3 رەتتەن اپتا بويى ىشسەڭىز، جاڭا پرەپاراتتى ءبىر- اق رەت قولدانۋ جەتكىلىكتى. «سۋپەر ءدارىنىڭ» تۇماۋعا قارسى ساتىلىمداعى دارىلەردەن ايىرماشىلىعى - تۇماۋ ۆيرۋسى ادام ورگانيزمىنە ەنگەننەن كەيىن ورگانيزمدى اقۋىزبەن بىرگە ۆيرۋستى وندىرۋگە، كوبەيتۋگە، تاراتۋعا ماجبۇرلەيدى. قولدانىستاعى دارىلەر ۆيرۋستى ادام كلەتكاسىنا ەنگىزبەۋگە تىرىسادى. ال، ۆيرۋس ورگانيزمگە ەنىپ، ورنىعىپ السا ونى دەنەدەن جويۋعا ۇزاق ۋاقىت جۇمسايدى. جاڭا ءدارى كەرىسىنشە ۆيرۋسپەن كۇرەسپەيدى ەكەن. تەك، ورگانيزمدە بەلوكپەن بىرگە ۆيرۋستىڭ كوبەيۋىنە تارالۋىنا جول بەرمەيدى. جاپوندىق كومپانيا ساتۋ قۇقىعىنا رۇقسات السا، ناۋرىز ايىنان باستاپ جاڭا پرەپاراتتى ساتۋدى جوسپارلاپ وتىر. اتالعان جوبا تەك، تۇماۋ ۆيرۋسىمەن عانا ەمەس، الەمدەگى زياندى بارلىق ۆيرۋس اتاۋلىمەن كۇرەسۋدىڭ جاڭا بەلەسى بولماق دەيدى ماماندار.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى