تورعاي گەوگليفتەرى قورشالادى

وبلىستىق كاسىپكەرلىك جانە يندۋستريالدى- يننوۆاتسيالىق دامۋ باسقارماسىنىڭ باسشىسى يسا قۇدابەكوۆتىڭ ايتۋىنشا، بيىل ءتۋريزمدى دامىتۋعا ارنالعان نەگىزگى جوسپار جاسالدى. بۇعان جەرگىلىكتى بيۋدجەتتەن 43 ميلليون تەڭگە قاراستىرىلىپ وتىر. بارلىعى 25 ءىس- شارا جۇزەگە اسپاق.

«2018 -جىلى امانكەلدى اۋدانى اۋماعىنداعى تورعاي گەوگليفتەرىن قورشاۋعا 17 ميلليون تەڭگە بولىنەدى. قازىر بۇل ماسەلە مادەنيەت باسقارماسىنىڭ قاراۋىندا. بۇدان باسقا 5 ينۆەستيتسيالىق جوبانى قولعا الدىق. امانكەلدى، جانكەلدين، مەڭدىقارا، قوستاناي، قاراسۋ، ناۋرىزىم اۋداندارىندا تۋريستەرگە ارنالعان سەرۆيس جۇيەسى قۇرىلادى» ، - دەدى ي. قۇدابەكوۆ.

بۇل يدەيانى وبلىس اكىمى ارحيمەد مۇحامبەتوۆ تە قولدادى. دەگەنمەن، وبلىس ءتۋريزمىن دامىتۋعا باسقا دا اۋدانداردىڭ اتسالىسۋىن تاپسىردى.

«وبلىس تابيعاتى اڭشىلىققا قولايلى، ءبىراق زاڭسىزدىققا جول بەرىلمەۋى ءتيىس. بارلىق جەردە قىزمەت كورسەتۋ ساپاسىن ارتتىرىپ، جول بويىنداعى ءدامحانا، قوناق ۇيلەر سانىن ارتتىرعان ءجون. مەملەكەتتىك جانە جەكەمەنشىك ارىپتەستىكتى دامىتۋ قاجەت. ءبىزدىڭ وبلىس ارقىلى حالىقارالىق ماڭىزى بار جولدار وتەدى. باسقا وبلىستارعا قاراپ، ۇلگى الىڭىزدار. سەرۆيستىك نىسانداردى كوبەيتۋدى قولعا الۋ كەرەك» ، - دەدى ارحيمەد مۇحامبەتوۆ. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى