قازاقستاندا سوڭعى ءبىر ايدا تۇرعىن ءۇي باعاسى قالاي وزگەردى؟

ۆەدومستۆونىڭ حابارلاۋىنشا، اتالعان ارالىقتا اباتتاندىرىلعان جانە اباتتاندىرىلماعان تۇرعىن ۇيلەردى الىپ ساتۋ باعاسى وزگەرىسسىز قالعان. اباتتاندىرىلعان تۇرعىن ءۇيدى جالعا الۋ تولەمى %0,2 عا ارتقان.

تۇرعىن ءۇي نارىعىنداعى باعانىڭ وزگەرۋىنە قاتىستى ستاتيستيكا كوميتەتى كەلەسى اقپاراتتى ۇسىنادى: جاڭا تۇرعىن ۇيلەردىڭ ساتۋ باعاسى 2013-جىلى 9,6 پايىزعا، 2014-جىلى 11,5 پايىزعا، 2015-جىلى 15,8 پايىزعا قىمباتتاسا، 2016-جىلى 3,6 پايىزعا تومەندەگەن. تۇرعىن ءۇي باعاسىنىڭ قىمباتتاۋى وتكەن جىلى 1,3 پايىزدىق ءوسىمدى كورسەتكەن.

ال اباتتاندىرىلعان تۇرعىن ۇيلەردى الىپ ساتۋ باعالارى 2015-جىلى 9,1 پايىزعا قىمباتتاعانىمەن، سوڭعى ەكى جىلدا 0,7 پايىزعا جانە 1,6 پايىزعا تومەندەگەن.

قازاقستاندا قازىرگى تاڭدا ساتىلىمداعى جاڭا تۇرعىن ءۇيدىڭ 1 شارشى مەترىنىڭ باعاسى 260613 تەڭگە بولىپ وتىر. ال اباتتاندىرىلعان تۇرعىن ۇيلەردى الىپ ساتۋدا 1 شارشى مەتر 185942، اباتتاندىرىلماعان تۇرعىن ۇيلەردى الىپ ساتۋدا 1 شارشى مەتر 114273 تەڭگەنى كورسەتكەن.

«تۇرعىن ءۇي نارىعىنداعى باعانى بايقاۋ استانادا، الماتى قالاسىندا جانە وبلىس ورتالىقتارىنداعى قۇرىلىس كومپانيالارىمەن قوسا قالالىق قور بويىنشا جىلجىمايتىن مۇلىكپەن وپەراتسيالاردى جۇزەگە اسىراتىن ۇيىمداردىڭ ىرىكتەلگەن شەڭبەرى بويىنشا جۇرگىزىلەدى»، - دەلىنگەن حابارلامادا.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى