گازدىڭ ءيىسى شىققانىن ۇيالى تەلەفون ارقىلى ءبىلۋىمىز مۇمكىن
بۇل جوبانى وڭتۇستىك كورەيانىڭ دەدجون قالاسىندا وتكەن «جاس عالىم» حالىقارالىق بايقاۋىندا سىربويىلىق دارىندى وقۋشى ماعجان بەكەتوۆ قورعاعان ، - دەپ حابارلادى قازاقپارات ءتىلشىسى وبلىستىق ءبىلىم باسقارماسىنا سىلتەمە جاساپ.
ول كومپيۋتەردىڭ كومەگىمەن گازداردىڭ كونسەنتراتسياسىن انىقتاۋ جوباسىن قورعاپ، بۇل بايقاۋدا Ⅱورىن الدى.
مۇنان وزگە ديانا ۆاليشايەۆا ارال ماڭىنداعى تۇرعىنداردىڭ گەماتولوگيالىق پارامەترلەرىن تۇزەتۋ ادىستەرىن زەرتتەگەن. ادامداردىڭ دەنساۋلىعىنا دەن قويعان دياناعا Ⅲ ورىن بۇيىردى.
تالانتتى وقۋشىلار مۇنىمەن شەكتەلىپ قالعان جوق. ءبىرىنشى ورىن يەلەنگەن دىنمۇحاممەد اقپان ءۇش عاسىر ماسەلەسى بولىپ ەسەپتەلەتىن ريماننىڭ گيپوتەزاسىن شەشىپ، سالدارىن زەرتتەۋگە تىرىسقان. شەشىمى تابىلماسا دا، بۇل ەسەپتىڭ قاسيەتىن، بۇرىن بايقالماعان قىرىن الەم عالىمدارىنىڭ الدىندا دالەلدەگەن.
ال ەۆگەني دەميدەنكو بيولوگيالىق پروتسەستەردىڭ 4Д مودەلدەرىن ازىرلەپ، 1-ورىن يەلەندى. ول بولاشاقتا ІТ مەديتسينانى دامىتىپ، ادامنىڭ جۇيكە جۇيەسىمەن بايلانىستىرىلعان پروتەز جاساۋدى ماقسات ەتكەن.
