حەلسينكيدەگى بوكس تۋرنيرىندە بەس قازاقستاندىق التىن جۇلدەگە قول جەتكىزدى

التى سپورتشى دا اقتىق سىنعا جەتكەن، ءبىراق ولجاس باينيازوۆ شەشۋشى ايقاستا فرانسۋز سپورتشىسىنان جەڭىلىپ، كۇمىس جۇلدەنى قاناعات تۇتتى. بەس قازاقستاندىق بوكسشى التىن جۇلدەگە قول جەتكىزدى.

2017 -جىلعى الەم چەمپيونى قايرات ەراليەۆ 5:0 ەسەبىمەن ماجارستاندىق بوكسشى ناندور چوكتان باسىم ءتۇستى. ازيا جانە الەم چەمپيوناتىنىڭ جۇلدەگەرى ابىلايحان ءجۇسىپوۆ تە ءدال وسىنداي كورسەتكىشپەن بريتاندىق حارريس اكباردى جەڭدى. وليمپيادانىڭ كۇمىس جۇلدەگەرى ۆاسيلي لەۆيت ۋكراينالىق كونستانتين پينچۋكتى، كامشىبەك قوڭقابايەۆ - بريتاندىق سولومون داكروستى ءسۇرىندىردى.

كەشتىڭ كوركىن قىزدىرعان ايقاس - بەك نۇرماعانبەت پەن رەسەيلىك ارتەم اگەيەۆتىڭ جەكپە-جەگى بولدى. 40-سەكۋندتا بەك قارسىلاسىن نوكاۋتقا جىبەرىپ، چەمپيون اتاندى.

وسىلايشا، تولىق ەمەس قۇرامدا كەلگەن قازاقستاندىقتار بەس التىن جانە ءبىر كۇمىس مەدالمەن جالپى كوماندالىق ەسەپتە ءبىرىنشى ورىندى ەنشىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى